Cafe Wellcome x BBQ Place (Closed)

今日係屋企冇嘢做，行咗去九展嘅Cafe Welcome x BBQ Place搵食。餐廳座位充足，環境舒適。叫咗兩份Dinner Set，前菜都一大堆，認真豐富。南瓜忌廉湯味道香濃。煙肉薯蓉充滿牛油香。主菜我就揀咗宏美什扒餐。什扒分別係豬扒、牛扒、雞扒同腸仔，全部都大大件好抵食。薯菜分別係薯條、翠玉瓜同炒雜菇，用牛油炒過再灑上少少黑椒，就已經好好味。另一主菜就揀咗BBQ燒豬仔髀，豬仔髀總共有三件，調味剛剛好。餐飲我哋就揀咗凍檸茶同凍檸水，勝在夠大杯。套餐仲包括一杯雪糕，係Häagen-Dazs同埋Movenpick，絕不欺場。餐廳外面仲有好大個露天位置，逢星期五六日就會推出BBQ套餐，估唔到喺九龍灣鬧市之內都可以享受到戶外BBQ，中秋過後一定要安排嚟一次。