Video
Read full review
2019-02-18
80 views
假期同朋友去奧海城行街，夜晚嗰餐唔想留喺商場，決定去附近搵下新野食。行到利奧坊嗰頭見到開咗間新嘅日本餐廳，就決定試下！一坐低，店員就會行過嚟同你解釋落單嘅程序，首先係去門口嗰邊自選關東煮同埋攞嘢飲，之後可以再叫串燒同埋各種鍋物~ 店員都講解得好清楚，好nice餐牌上嘅選擇有好多，有前菜、關東煮、備長炭燒物等等。店面唔算大，裝潢充滿日本風味又簡潔， 近門口就擺左飲品/酒櫃，同埋叫關東煮嘅位置。坐底之後店員會拎啲橡筋比你，有需要嘅可以攞利用，另外會上一杯雞湯，味道都幾濃郁，可見服務幾唔錯，好貼心😬關東煮方面，我地都叫左唔少，竹輪、粟米、魚餅、玉子福袋、芋絲等等。啲湯汁好清甜，煮物普遍來講都好入味彈牙，唔錯🤓 價錢每款都係大約$12-18，算合理。野飲叫左信州白提子梳打($28)同埋完熟桃子梳打($28), 兩款我都試過，個人覺得好好飲, 聞落有陣淡淡嘅提子同桃香味，飲落就水果嘅味道非常濃郁，甜度適中，有驚喜~~燒物係師傅即使燒好，然後擺上去保溫嘅。店員話個爐入面擺左炭，希望可以保持啲串燒嘅溫度，咁客人可以邊食到熱嘅串燒邊食鍋物，做法一樣好貼心。 個黑毛豬腩串($18)同埋柚子雞肉串($15
一坐低，店員就會行過嚟同你解釋落單嘅程序，首先係去門口嗰邊自選關東煮同埋攞嘢飲，之後可以再叫串燒同埋各種鍋物~ 店員都講解得好清楚，好nice
餐牌上嘅選擇有好多，有前菜、關東煮、備長炭燒物等等。
店面唔算大，裝潢充滿日本風味又簡潔， 近門口就擺左飲品/酒櫃，同埋叫關東煮嘅位置。
坐底之後店員會拎啲橡筋比你，有需要嘅可以攞利用，另外會上一杯雞湯，味道都幾濃郁，可見服務幾唔錯，好貼心😬
關東煮方面，我地都叫左唔少，竹輪、粟米、魚餅、玉子福袋、芋絲等等。啲湯汁好清甜，煮物普遍來講都好入味彈牙，唔錯🤓 價錢每款都係大約$12-18，算合理。
野飲叫左信州白提子梳打($28)同埋完熟桃子梳打($28), 兩款我都試過，個人覺得好好飲, 聞落有陣淡淡嘅提子同桃香味，飲落就水果嘅味道非常濃郁，甜度適中，有驚喜~~
燒物係師傅即使燒好，然後擺上去保溫嘅。店員話個爐入面擺左炭，希望可以保持啲串燒嘅溫度，咁客人可以邊食到熱嘅串燒邊食鍋物，做法一樣好貼心。 個黑毛豬腩串($18)同埋柚子雞肉串($15)都好juicy亦好香口。
最後仲叫左個二人嘅美人鍋($188) , 個湯底係好濃郁嘅雞湯味，可以直接飲！材料主要有雞肉，仲有好多蔬菜，啲雞肉好嫩滑，但就稍嫌唔夠入味啦。整體利講，店鋪環境幾好，食物嘅質素都算高質，係間唔錯嘅食晚餐嘅地方，唯一不足嘅係坐得唔係特別舒服，枱底冇乜位，所以要側側地坐先得🤔
Post
