芝加哥串燒酒場 (太和中心)

假日趁天氣唔錯便出外閒逛，差唔多時間要醫肚了，見有間#芝加哥串燒酒場 ，便進入大吃大喝一番。行到熱辣辣，第一時間就點左2杯啤酒🍻啤啤佢先,原來星期一至星期日都有買一送一優惠，咁就啱晒我哋囉☺️。啤酒點了Chicago logo beer🍺 ,帶點菠蘿🍍清香味，夠晒冰凉，即時降溫。食飯前要食左蔬菜先架，燒大啡菇🍄‍🟫好大隻，仲有隻生蛋係上面，併埋食口感都唔錯👍。燒芝士黑松露大啡菇🍄‍🟫，黑松露很香，配芝士的咸香更有層次感。另外老友至愛的燒茄子🍆，茄子鋪了滿滿的蒜蓉，大條且燒得軟淋，柔軟可口。飲酒就要配上串燒至得，鹽燒鮮白膳串，魚肉非常厚身，魚皮燒到香脆可口，肉質爽滑有彈性。燒雞翼～自小喜歡食，亦燒到皮香脆，肉汁流出。雞肉軟骨捧～配埋隻生蛋食，入口更順滑。招牌燒牛骨髓～軟淋、煙韌有咬口。金菇牛肉卷&燒新鮮秋葵，冇渣且鮮嫩。蒙古烤羊膝，羊味香濃有咬感，口感十足。香蔥燒聖子，燒得肉質柔軟彈牙，調味也剛剛好。浦燒雞髀菇，燒到微金黃色，咬落柔軟可口。各款食物調味均恰到好處，惹味且不會過咸，送酒認真正，餐廳氣氛亦唔錯👍，店員都有禮🥳，讚讚👍。