Video
Read full review
2022-03-13
1199 views
今日想同大家介紹一間充滿歐陸格調嘅連鎖西餐廳—— Simply life bakery cafe👍🏼餐廳於九龍塘，沙田，九龍灣，金鐘等地方設有分店，而我地今次到訪嘅係九龍塘又一城嘅分店。🌟餐廳地方闊落，枱與枱之間足夠寬敞，枱上更設有蠟燭燈，感覺非常舒適。💁🏻♀️前菜：麵包+蘑菇湯/沙拉呢間餐廳嘅麵包都幾出名，餐廳近門口位置有個小型bakery售賣各色各樣嘅西式麵包。堂食方面，麵包嘅擺盤精緻，一共有3款法包，當日侍應比左soda bread, multigrain bread同white bread，麵包口感偏硬，可塗上牛油食，亦可問侍應拎油醋沾黎食(prefer後者，我地比較中意食酸酸地嘅麵包，幾開胃👍🏼)至於忌廉蘑菇湯非常足料，超級濃郁，淡淡蘑菇粒。沙拉更有驚喜，除左普通沙拉菜外仲有水果，味道清香鮮甜。🍊💁🏻♀️山羊芝士黃菌菠菜有機糙米飯 $118香濃嘅羊奶芝士，加上質感粗糙嘅糙米飯，成個配搭好harmony！雖然係芝士飯，但米飯仍能保持粒粒分明，仲好有咬感，值得一讚！即使份量唔算多，都建議2-3個人share一份，以防食得太濟。至於味道就見仁見智，中意羊騷味嘅朋友應該會幾中意，反
今日想同大家介紹一間充滿歐陸格調嘅連鎖西餐廳—— Simply life bakery cafe👍🏼餐廳於九龍塘，沙田，九龍灣，金鐘等地方設有分店，而我地今次到訪嘅係九龍塘又一城嘅分店。
🌟餐廳地方闊落，枱與枱之間足夠寬敞，枱上更設有蠟燭燈，感覺非常舒適。
💁🏻♀️前菜：麵包+蘑菇湯/沙拉
呢間餐廳嘅麵包都幾出名，餐廳近門口位置有個小型bakery售賣各色各樣嘅西式麵包。堂食方面，麵包嘅擺盤精緻，一共有3款法包，當日侍應比左soda bread, multigrain bread同white bread，麵包口感偏硬，可塗上牛油食，亦可問侍應拎油醋沾黎食(prefer後者，我地比較中意食酸酸地嘅麵包，幾開胃👍🏼)至於忌廉蘑菇湯非常足料，超級濃郁，淡淡蘑菇粒。沙拉更有驚喜，除左普通沙拉菜外仲有水果，味道清香鮮甜。🍊
💁🏻♀️山羊芝士黃菌菠菜有機糙米飯 $118
香濃嘅羊奶芝士，加上質感粗糙嘅糙米飯，成個配搭好harmony！雖然係芝士飯，但米飯仍能保持粒粒分明，仲好有咬感，值得一讚！即使份量唔算多，都建議2-3個人share一份，以防食得太濟。至於味道就見仁見智，中意羊騷味嘅朋友應該會幾中意，反之會覺得麻麻地。
💁🏻♀️車厘茄蕃茄醬蟹肉手製扭紋粉 $138
異於係香港食開嘅扭扭粉，呢款手工扭紋粉嘅size較大，意粉味較重，硬度比得上義大利當地人人食開嘅意粉，質感並非所有人都能接受，但小編幾中意食結實帶嚼勁(Al dente)嘅意粉。😆意粉上有巨量蟹肉，味道鮮甜。意粉醬汁非常出色，番茄醬汁雖少，其酸甜味卻突出，更冇掩蓋到蟹肉同意粉嘅味道，令整到菜嘅味道層次更上一層樓👍🏼
💁🏻♀️ 哥達芝士大蘑菇雞肉漢堡 $125
麵包(top layer)塗上一層薄薄嘅牛油同少量芝麻烘，味道挺香，外層偏脆內裡鬆軟。雞排肉質紮實，但肉汁較少。反而大蘑菇偏juicy，同一大片半溶哥達芝士幾match。整體而言，材料配搭唔錯，漢堡醬汁偏少令每款材料嘅味突出👍🏼另外薯條非常香脆，餐廳將鼠尾草放落炸爐一齊炸，沾上蛋黃醬食，令人難以停口！
😆 間餐廳嘅食物味道偏濃，口感偏硬，款式特別，用呢個價錢係呢個環境下食到呢個質素嘅食物，真係非常抵！
😍整體評分
味道：🌟🌟🌟🌟
價錢：🌟🌟🌟
環境：🌟🌟🌟🌟
服務態度：🌟🌟🌟🌟
instagrammable：🌟🌟🌟🌟🌟
Post
