Playa de Papagayo (Closed)

天文臺道因香港天文台總部設在附近而命名，整條天文台道都處於天文台山，不斷上坡下坡，而今晚吃飯的Playa de Papagayo就是位於天文臺道，近漆咸道南那邊，餐廳除了有室內座位，室外亦設有幾張枱，方便食煙的客人。裏面燈光柔和，地方寬敞，人流不算太多，播住輕鬆的音樂。原來Happy Hour去到晚上9時，全部飲品都有特價。脆炸龍利魚柳漢堡配薯條：魚柳包上枱時已經切開4份，再用牙籤鞏固，方便食用，果然細心。炸魚柳炸得非常香脆，厚度跟m記差不多，肉質結實不易散，另有生菜及蕃茄等配料，能減輕油膩感，漢堡包亦有烘過，所以脆卜卜，炸粗薯條很脆口，薯條表面撒上少許辣椒粉，所以味道帶點辣。西班牙墨魚汁海鮮：飯海鮮飯很大鍋，有點似港式煲仔飯，鍋底有點飯焦香味，墨汁飯後乾身，煙韌有咬口及帶點脆，海鮮份量多，有青口，蝦，蜆肉及魷魚圈，魷魚圈很煙韌，蝦很爽口但無蝦膏，份量足二人用。總結：食物份量十足，味道中上，尤其是墨魚汁海鮮飯，又爽又煙韌，好食都停唔到口。