Video
Read full review
2018-02-04
3626 views
今晚食團年飯，近農曆年，難訂枱，所以之前食過呢間酒樓，知道食物麻麻地，都照訂，因為人多，係得呢度容易訂枱。每圍$3298,我哋因為因為13人，所以加多一個位，同埋加多一隻元貝，25蚊一隻。乳豬比較細隻，皮脆但冇肉食，就係脆皮下面得一層肥膏，側邊嘅係齋燒鵝，裏面係用啲雲耳、蘿蔔絲、粉絲等造成餡料，外面酥皮都脆，味道係清淡嘅。芝士龍蝦伊麵底，上菜嘅時候食咗一啖，發覺啲龍蝦係冰冷嘅，似雪櫃攞出嚟未返熱，就送上嚟畀人食，叫部長再返熱先攞返來，味道可以，咸淡適中，龍蝦肉爽口，芝士醬比較杰啲，伊麵都算煙韌，冇煮得太林，龍蝦一隻畀曬你，但係因為蟹鉗冇幫你夾爛，其實食唔到裏面啲肉，淨係食到龍蝦身的肉。發財好市大利，發菜在中間，分量少，蠔豉都幾大粒，有香味，大脷其實就是啡色一片片的豬脷，幾爽口，夠入味，生菜都ok, 如果唔好煮咁諗就好啦。蠔油汁煮得幾好，呢度菜清淡得來味道咸淡得宜，算係今晚暫時最好味嘅菜式。竹笙海皇燴生翅，翅的份量不算多，湯底味道不錯， 加醋食仲好味, 裏面用了都算足。 最緊要夠熱，天氣凍，好多餸菜上咗就好快凍， 呢個魚翅喺貴價菜式嚟講不錯。粉絲蒸元貝，本來12隻，我哋加多25蚊要多一隻
每圍$3298,我哋因為因為13人，所以加多一個位，同埋加多一隻元貝，25蚊一隻。
乳豬比較細隻，皮脆但冇肉食，就係脆皮下面得一層肥膏，側邊嘅係齋燒鵝，裏面係用啲雲耳、蘿蔔絲、粉絲等造成餡料，外面酥皮都脆，味道係清淡嘅。
芝士龍蝦伊麵底，上菜嘅時候食咗一啖，發覺啲龍蝦係冰冷嘅，似雪櫃攞出嚟未返熱，就送上嚟畀人食，叫部長再返熱先攞返來，味道可以，咸淡適中，龍蝦肉爽口，芝士醬比較杰啲，伊麵都算煙韌，冇煮得太林，龍蝦一隻畀曬你，但係因為蟹鉗冇幫你夾爛，其實食唔到裏面啲肉，淨係食到龍蝦身的肉。
發財好市大利，發菜在中間，分量少，蠔豉都幾大粒，有香味，大脷其實就是啡色一片片的豬脷，幾爽口，夠入味，生菜都ok, 如果唔好煮咁諗就好啦。蠔油汁煮得幾好，呢度菜清淡得來味道咸淡得宜，算係今晚暫時最好味嘅菜式。
竹笙海皇燴生翅，翅的份量不算多，湯底味道不錯， 加醋食仲好味, 裏面用了都算足。 最緊要夠熱，天氣凍，好多餸菜上咗就好快凍， 呢個魚翅喺貴價菜式嚟講不錯。
粉絲蒸元貝，本來12隻，我哋加多25蚊要多一隻。
粉絲蒸到好乾，元貝都應該蒸過龍，唔夠滑，蒜蓉份量都足夠，灑上蔥花，賣相有點混亂，未試過食蒸蒜蓉粉絲扇貝，都可以粉絲係乾的，味道就正常，蒜蓉味夠，唔會太鹹，鮮味都仍然有的。
翡翠炒象拔蚌帶子，冇乜味，好淡，帶子有輕輕煎過，見到有微焦，象拔蚌大條，滑嘟嘟，但係因為這道菜是比較清的，所以講究廚師嘅調味功夫， 可以落多啲蒜蓉同埋椒鹽等，吊起海鮮的鮮味。 好彩西芹、象拔蚌、同帶子都冇煮過龍，西芹爽脆，帶子幾滑。
清蒸大海斑，條斑真係幾大條，啲肉質雖然不夠滑， 但仍未至於鞋口，尚算接受， 相信因為今晚太多人訂枱食團年飯，所以廚師在火候控制方面做得唔係咁好。
臘味糯米飯，分量好少，隻碟咁大，裝出來，只有半碟。如果以食圍飯嚟講，份量真係好少。每人一啖都食完 。味道方面就真係幾好食，煙煙韌韌的糯米飯均勻地散佈在一些臘味，蝦米，葱，越食越香。
炸子雞一隻，皮幾脆，不過啲肉除咗大髀係滑之外，我就唔太鐘意食炸子雞，因為感覺比較乾身啲，我鍾意食有肉汁嘅。咁佢呢度炸得皮幾靚，賣相都唔錯，雖然我就唔鍾意食咁鹹，但係都會 覺得炸子雞不過不失。
杞子桂花糕，比較似啫喱糖，落咗好多魚膠粉。硬身左d, 味道其實都ok. 甜度適中，杞子好林，入口即溶。
總結呢次團年飯，都食得可以，除咗龍蝦伊麵凍嘅，啲菜係比較淡嘅，蒸過龍嘅魚，好乾嘅粉絲元貝，同甜品係幾舊糕點之外。不過都係因為佢食物質素有待改善先至易book枱，大家可以參考下，可以放下食物質素的條件先至訂呢度食。
Post
