翔壽司 (Closed)

其實我已經幫襯左呢間店差唔多兩年，但真心覺得佢哋啲食物質素同服務態度越嚟越差，上嗰星期中午時段過去食飯，店內客人不多，只有兩枱。壽司啲飯越嚟越大粒，而啲刺身就越嚟越薄，不過最令我不滿的，是他們的服務態度。除咗落單之外其餘時間都一直喺度傾偈，仲越傾越大聲，其中一個女侍應可能佢把聲比較響，又企正喺我附近，佢每次出聲我都覺得好嘈吵，傾到連我冇晒茶🍵都唔知，唯有出聲叫佢加茶🍵，佢把口就搭咗：「好，等等！」，但之後竟然要傾埋嗰兩句先再過嚟幫我加茶🍵，真係一啲誠意都冇，如果咁嘅價錢、咁嘅食物質素、咁嘅服務態度、我寧願去「爭X」或者「壽司X」好過，起碼唔會茶都冇得飲，我諗我以後都唔會再去。太失望了