海港酒家 (Closed)

今日同屋企人嚟食飯，亞媽一早喺8月底已預訂「優選夜宴」全包宴及落訂＄300作實。到落單時，好彩睇下張上菜單，發現當中食物與所訂套餐不符，於是搵個著黑色套裝的女士問清楚，佢嘅答覆係：「你地訂個套餐已經無做喇，而家做緊另一個套餐，價錢是一樣的。」我地當然唔肯收貨，一､我地一早落訂，嚟到你先同我講話個套餐無做，佢地亦無預備材料，咁大個集團，顧客一早預訂及落訂都可以話無就無，咁預訂嚟做乜？二､與該女士對質其間，其態度敷衍，給人感覺是「你食就食，唔食就算」之感。將其公司的錯誤，強要客人接受。最終，該女士找來另一男經理，經我們再三堅持，才肯供應我們所訂之套餐。此為我們一早預訂的套餐，其單張亦註明供應期至2011年9月30日。我們當晚向酒家部長／經理詢問時，她亦親口指套餐供應至9月30日。新菜單，開始供應日期為9月14日基本上食物水準尚可，唯獨是乳豬拼盤內的牛𦟌大帶有酸味，懷疑變壞。另外，原先指沒有材料而不能供應的千絲帶子黃金球，我們每人只吃頭一口已發現有酸味，懷疑食材變壞，我們向經理投訴，其試食後指只是雪藏味已不是變壞，但我們從未食過帶有酸味的雪藏蝦球，可能是我們太孤陋寡聞。拼盤味道尚可，但牛𦟌帶