皇后冰廳 (Closed)

皇后冰室係長沙灣地鐵A出囗，沿東京街向泳池行連麗閣邨內。服務OK，坐得舒服，價錢平民化嘅餐廳。食物選擇種類多，乜都有，例如有雞翼，有意粉，有牛角包，包點類等等。見到有生蠔，試吓佢哋嘅生蠔，有愛爾蘭N2生蠔，買5送1；另外有法國生蠔，都係買5送1，所以試吓，抵食。焗肉醬意粉大大份，焗得啱火喉，軟硬適中， 味道有層次感， 賣相平凡但味道好味。牛扒又係大大份，好夠食，肉軟又緊密，加上cook得唔會太over。糯米釀雞翼，唔係周圍有得食，因巧功夫，鷄皮好香脆，特別個鷄翼尖尖。