大井町日式放題 (Closed)

12月29日星期六，約咗朋友見面，所以訂咗呢間食晚飯。已經食咗幾次大井町，因為鍾意佢啲嘢新鮮好食，性價比又高，寫咗嘅落單紙永遠唔會被神隱。我哋一入座，即刻叫咗一盤刺身，啲刺身好新鮮好好食，我哋好快清咗。😋之後就落其他嘢，一樣好快好足數量咁上，不過啲燒物就無乜味道，天婦羅就夠熱夠脆。😋😋😋就算食到中間時間叫刺身，啲數量都唔會俾人減咗，最欣賞佢哋呢點。👍🏻食到飽哂，就食甜品，雖然每位只可點一份貴價雪糕或雪條，但出面都有一啲平價雪糕雪條雪米糍任食，都滿足到鍾意食凍嘢嘅我。大井町已成為我約朋友聚會首選嘅地方，遇啱呢排佢哋有兩周年優惠，滿$400減$100，仲抵食咗。🤤