Meatüp Diner & Carvery (Closed)

今日係1月7日，頭先大概下午2:30左右，同朋友去到餐廳食lunch，叫咗一份雞扒漢堡同埋一份三文魚share 食。等咗大概20分鐘，雞扒漢堡嚟到，我哋就用刀叉將佢設成兩份，發覺雞扒切極都切唔開…. 原因係，有半塊雞扒係未煮熟。跟住就同侍應講，佢就話可以換過俾我，但係我哋趕時間走，所以要求取消。買單嘅時候我發覺係大概二百七十幾蚊，我覺得有啲奇怪，點解我哋要求左取消嗰份雞扒漢堡，餐廳仍然要收我哋錢。佢竟然話因為食物出現問題，所以佢已經俾咗九折我，「係九折果一份雞扒漢堡！」我從來冇試過去一間食肆，食物有問題嘅時候，餐廳仍然照常收客人錢。發生呢件事之前，其實我已經嚟過呢一間餐廳好多好多好多次，食物從來冇出現問題，仲好好食，所以我先至再嚟幫襯，但係今次之後，唔會再有下一次。