Video
Read full review
2021-01-10
667 views
Nara Thai 嘅特色分店，本身都中意係泰國食Nara泰菜，而家又冇得去旅行，咁去試吓，頂住癮先啦！心知哩間係熱門新開餐廳，都驚會冇位，見佢開門時間係11:30，所以我都12點前去到，但勢估唔到，去到已經滿座，唯有㩒飛等下啦。其實佢就舖位一個，但分左兩個style嘅，一間就係傳統泰菜 Nara Thai cuisine, 另一間就係新式西餐 Lady Nara，所以攞飛時你要考慮係想食咩style，因為你揀咗邊間就只可以食嗰間style嘅菜式。不過好多人都會兩邊飛攞晒，我都係我見我張飛都係排第三，咁一場黎到，就當然試新嘢啦，我仲好好人咁張另外張飛俾左人，但好快我就後悔喇，大概等左15分鐘，聽到有人查詢，原來佢要reservation 嘅客人遲到或者cancel，佢先會開始叫號，咁即係如果啲booking 準時到齊，咁就唔知要等到何年何月，或者要祈求啲人食快啲，提早離座，咁就會有機會快啲入座，嗰刻我聽到簡直呆左，早知就唔放棄張飛俾人啦⋯⋯但都順帶講下，個receptionist 感覺係極唔耐煩，你問佢野，講完一次，如果再問，佢就會好似唔多願意答你，成間餐廳最唔好service係得佢一
心知哩間係熱門新開餐廳，都驚會冇位，見佢開門時間係11:30，所以我都12點前去到，但勢估唔到，去到已經滿座，唯有㩒飛等下啦。其實佢就舖位一個，但分左兩個style嘅，一間就係傳統泰菜 Nara Thai cuisine, 另一間就係新式西餐 Lady Nara，所以攞飛時你要考慮係想食咩style，因為你揀咗邊間就只可以食嗰間style嘅菜式。不過好多人都會兩邊飛攞晒，我都係我見我張飛都係排第三，咁一場黎到，就當然試新嘢啦，我仲好好人咁張另外張飛俾左人，但好快我就後悔喇，大概等左15分鐘，聽到有人查詢，原來佢要reservation 嘅客人遲到或者cancel，佢先會開始叫號，咁即係如果啲booking 準時到齊，咁就唔知要等到何年何月，或者要祈求啲人食快啲，提早離座，咁就會有機會快啲入座，嗰刻我聽到簡直呆左，早知就唔放棄張飛俾人啦⋯⋯
但都順帶講下，個receptionist 感覺係極唔耐煩，你問佢野，講完一次，如果再問，佢就會好似唔多願意答你，成間餐廳最唔好service係得佢一個，其他waiters 都好好禮貌。
終於。。。 等左一個鐘，我個女都就黎餓暈喇，終於叫我哋嘅號碼，仲要係因為前面個號碼嘅人走咗，我先有機會咋
入正題，開餐
玫瑰泰式奶茶
19 views
1 likes
0 comments
本人都幾中意泰式奶茶，但平時覺得泰式奶茶略為太甜，但哩柸玫瑰泰式奶茶就多左一份清新感，佢可能係配合玫瑰茶沖出嚟，所以冇咁甜，我很喜歡
冬陰煙肉忌廉意粉
24 views
0 likes
0 comments
冬陰煙肉忌廉意粉，carbonara 加入冬煙公原素，有冬陰公嘅味道，平衡左忌廉嘅膩，但不會太辣，連我女女都可以食到，很不錯
軟殼蟹和牛漢堡
20 views
0 likes
0 comments
軟殼蟹和牛漢堡， 份量十足，麵包有烘過，保持香脆，原隻酥炸軟殼蟹，不油膩，香脆可口，味道不會蓋過和牛，而和牛漢堡生熟度適中（我係揀左5成熟），咬落去，仍有肉汁流出，肉味不會太酥，幾juicy。
特色炸雞拼盤
19 views
1 likes
0 comments
特色炸雞拼盤，有3款口味，BBQ /咸蛋黃/單骨雞翼，配上紅菜頭 Mayonnaise (有啲紅菜頭味，所以有啲怪），BBQ 味雞鎚同一般美式BBQ 雞菜式冇咩分別，冇咩特別，泰國人整咸蛋黃菜式已經出神入化，好可惜。。。 哩間餐廳煮得麻麻，咸蛋味唔夠，反而令雞塊變得好油膩，仲有少少油益味。至於單骨雞翼，就更加冇咩特別，特別冇咩味道，但就炸得脆口嘅。哩款小食就真係好一般，純粹可以令你飽肚。
整體餐廳嘅食物質素都還不錯，但又未至於非食不可。另外餐廳特點係粉紅色嘅裝修，充滿少女感，但如果想影到靚相呃like，我估要預先訂枱，可能會有機會坐到啲靚啲嘅位嘅😏
另外，如果個receptionist可以禮貌啲，有善啲，咁成間餐廳嘅服務就變得prefect喇
11 views
0 likes
0 comments
Post
