韓半島 (Closed)

朋友話想落尖沙咀食飯，上網搜尋，發覺呢間餐廳評價唔錯，一於上去試下。四個人先上到去，先叫咗四樣嘢：石鍋拌飯、甜辣雪人年糕、芝士薯仔煎餅、同埋烤小肋排骨。先嚟石鍋拌飯，呢個石鍋拌飯完全係素食，冇肉的。石鍋上枱時仲見到有啲油喺個鍋底滾下滾下，將啲配料加辣椒醬撈埋一齊食，好食。跟住再嚟個甜辣雪人年糕，雪人年糕其實有啲似兩粒小湯圓連埋一齊，煙煙韌韌。個辣度就爭少少。另外跟呢個雪人年糕有四串好似關東煮的東西跟餐，味道一般。再嚟就係芝士薯仔煎餅，薯仔切到一絲絲，加埋蜜糖都好好食。烤小肋排骨，肋骨都煮得好淋，另外配菜薯條都係剛炸起，熱辣辣好新鮮。跟住朋友嚟到，再叫多咗韓式人參雞火鍋同埋忌廉雪人年糕。人蔘雞火鍋，輸人唔輸陣，成隻雞上。喺咁凍嘅天氣下食人蔘雞火鍋，個人即刻暖笠笠。忌廉雪人年糕，食落就應該畀甜辣雪人年糕好食，個忌廉啲味好濃。美中不足之處就係呢度食物嘅分量相對少， 另外由於侍應係韓國人的關係，他們的廣東話不是太好，好多時叫佢地斟水都沒有什麼反應。總括而言，這是一間水準屬中上的餐廳。