Video
Read full review
2019-06-02
511 views
之前佢地啲食評，見到好多人讚好，又話多食物選擇又讚啲嘢食好食， 點知一試就完全失望到頂點，入到去有職員介紹可以加40蚊升級，但係討論過之後大家都覺得升級嘅食物唔係特別啱食，所以就決定唔加，個職員就冇表情咁擺低一疊落單紙畀我哋order食物，order完食物之後食物好快就到，但係啲份量係亂咁出，例如我地只係order左2條原味一口腸，點知最後黑椒同原味都分別嚟咗5，6條，另外叫咗三分鹽燒牛舌同一份辣味牛舌，但係居然上枱嘅時候辣味仲多過鹽燒好多 ，魚生食落感覺唔係太新鮮，而且份量又俾隨意俾，明明只係叫咗兩片鮑魚片，落枱嘅時候係有十幾二十片鋪咗喺底，而且職員態度一啲都唔好，特別係個女職員，黑口黑面之餘講野既態度同語氣都好差，想叫佢加茶就用冇咩禮貌嘅語氣講低一句：等等啦，就行開左，雖然明白只有2個人做野，但係由於間舖唔算大，坐滿都唔算多人，而且只係落單出餐慢慢出亦無人投訴，只係佢地做既速度勁快，好快無野忙其實係有時間慢慢傾計，可見整體其實根本唔算忙，轉頭個女仔俾左壺細細壺既茶俾我地，點知原來個水壺蓋同個水壺係唔啱size，斟茶斟到一半就成個蓋跌左落黎，部份熱茶(係出晒煙既茶)都瀉埋出黎，好彩我
之前佢地啲食評，見到好多人讚好，又話多食物選擇又讚啲嘢食好食， 點知一試就完全失望到頂點，入到去有職員介紹可以加40蚊升級，但係討論過之後大家都覺得升級嘅食物唔係特別啱食，所以就決定唔加，個職員就冇表情咁擺低一疊落單紙畀我哋order食物，order完食物之後食物好快就到，但係啲份量係亂咁出，例如我地只係order左2條原味一口腸，點知最後黑椒同原味都分別嚟咗5，6條，另外叫咗三分鹽燒牛舌同一份辣味牛舌，但係居然上枱嘅時候辣味仲多過鹽燒好多 ，魚生食落感覺唔係太新鮮，而且份量又俾隨意俾，明明只係叫咗兩片鮑魚片，落枱嘅時候係有十幾二十片鋪咗喺底，而且職員態度一啲都唔好，特別係個女職員，黑口黑面之餘講野既態度同語氣都好差，想叫佢加茶就用冇咩禮貌嘅語氣講低一句：等等啦，就行開左，雖然明白只有2個人做野，但係由於間舖唔算大，坐滿都唔算多人，而且只係落單出餐慢慢出亦無人投訴，只係佢地做既速度勁快，好快無野忙其實係有時間慢慢傾計，可見整體其實根本唔算忙，轉頭個女仔俾左壺細細壺既茶俾我地，點知原來個水壺蓋同個水壺係唔啱size，斟茶斟到一半就成個蓋跌左落黎，部份熱茶(係出晒煙既茶)都瀉埋出黎，好彩我朋友當時隻杯擺得比較埋，啲水大部份係枱，不過都有少部份彈左去我朋友既腳，由於我朋友著裙所以直接彈到腳，彈到既地方即刻紅左，但係個2個職員掛住傾計，完全唔知個蓋跌左出黎，我地試過原來個蓋只係“cup”左上面，只要輕輕一攞都攞得起，個蓋係完全無扭實亦都可以話係完全冇可能扭實，好明顯嗰個係同個蓋係唔啱size或者 個蓋已經爛左所以扭唔到，呢件事我地都覺得真係好危險，想像下一壺全滾既滾茶(因為普遍餐廳用既熱水爐最過溫度係去到80~110度)如果真係成壺淋晒落腳點算？如果淋左落小朋友度又點算？呢樣野必須好好正視，因為如果俾咁高溫既水淋度可以係終身既傷害，餐廳除左食物同服務質素，安全意識都好重要，本身開開心心出外面食餐飯但係變成樂極生悲真係好唔值得，而且食品既質素亦唔見得好，除左魚生唔算新鮮之外，豬牛雞肉都係無咩味，而且網上好多人話多食物種類，其實亦唔算多，只係好多食物都有鹽燒同辣味揀，所以其實計落唔算得上“好多”選擇，而且價錢亦唔算特別抵，每人$240，但係食品份量，質素，同服務，大家都唔滿意。
但亦唔可以話只係得以上既評語，呢間餐廳亦有好既地方，最好就係雖然佢地唔會好似人地咁每個爐上面有個抽風管，但係成間餐廳都無咩酒煙味，食完之後成身，頭髮同袋都唔會有油煙味~食物既份量雖然比較隨意，不過速度亦算幾快~
Post