王家沙 (Closed)

平時好少出街食中餐，今日突然間好想食下，就過左黎王家沙試一試。呢度裝修幾靚，地方都算大，職員著住制服有一種好pro嘅感覺！一入到去職員都幾有笑容！仲簡單介紹左有咩好食推介！由於我地太肚餓，叫左好多野食！首先，醉嘉美雞個菜式名都好聽過人，一碟醉雞兩個人食剛剛好，都算幾滑，酒味幾香！黎食上海野點可以唔食小籠包，一次過叫左兩款，蘇式鮮肉小籠包同埋招牌蟹粉小籠包，鮮肉小籠包已經夠好味，蟹粉個款唔算特別！流沙奶皇包好好食！呢個好滿意！一定要試，好熱又流心奶皇味又重！冇得彈！正宗酸辣湯都幾足料，呢配酸味較重，而我個人口咪鍾意偏辣少少，但呢碗都好飲！乾煸四季豆好大碟！味道都唔錯，係油左少少！牛肉餅就普通，唔特別又唔算好好食！一般，冇驚喜！最後係闊佬炒飯，都Ok可以一試，炒得幾乾身！