Coffee Art

Open Now

Now Closed

收工同Honey 去觀塘行街順便醫肚，東廣場呢度食過幾次，每一次都有驚喜。今次都唔例外。餐廳應該係主打咖啡嘅，不過夜晚8點就費事飲啦，下次會去試試。望晒成個menu，價錢全部都好相宜，而家講緊有質素嘅西餐啵，5x蚊起跳真係令人擔心佢點樣營運落去。我哋叫咗一個原隻磨菇意大利飯，All day breakfast 同加咗$30要碟薯條。埋單兩個人都只係$182，係每人$91，仲要飽到捧住個肚腩離開嘅。雖然叫杯Earl Grey 係普通到咁，不過茶味都濃嘅。好大份嘅all day breakfast，一個女仔未必食得晒！滑蛋夠嫩，蜜糖多士夠清新。加$30要咗個黑松露芝士薯條，好香口，食到停唔到口。honey 嘅原隻大磨菇意大利飯成隻菇喺底，唔膩，唔會煮到似生米，好好食。我食咗honey 碟飯好多啖總括嚟講，性價比非常高，下次再去試甜品同咖啡。不過一提，中間張大石檯其實幾唔方便，好難行入去，不過成個裝潢都配合主題嘅。