雍雅山房

Open Now

Now Closed

行入間餐廳，已經知道中伏，因為只係得一台客。佢地兩條友，每人只嗌一杯嘢飲。食物價錢貴不在話下，諗住有個靚景補番數，都算啦。點知有個惡經理，師奶年紀，作中性打扮。doot 完安心一入嚟見到佢，佢自己唔知我哋已 doot 咗安心出行，呢件經理用紀律部隊態度喝停我哋阻止我哋行入佢間餐廳，呼喝我哋 doot 安心兼黑口黑面，結果發現自己搞錯，一句對唔住都冇講。 唔知以為佢先係客囉 。在坐有老人家問佢要杯熱水，佢話要就閞茶位加$先可以比熱水我地。一隻乳鴿近二百蚊 ，乾炒牛河又二佰蚊，瑤柱蛋白炒飯近二百，全部質素仲差過茶餐廳。四個人食兩隻乳鴿畀兩對膠手套食，收得咁貴，唔係連膠手套都慳下話。 最後發覺服務態度差係呢間餐廳嘅 signature dish。 貼錢買難受嘅經典 。大家小心為上，千祈唔好中伏，預計佢應該過唔到一年快執。