Video
Read full review
2025-02-22
165 views
第一次寫食評，本身都上openrice望咗，見都幾多人講話性價比唔高，但都諗住過嚟望吓先再決定食唔食。今次係食semi-buffet lunch，入到reception位遠遠見到有海鮮station，問咗話今日有蠔、蝦、青口、翡翠螺，諗住用openrice優惠$440都可以試試，點知真係中伏 😒上述講嘅海鮮唔知係咪為咗要去咗啲腥味，沖水沖到咩味都冇，全部都勁淡味，連啲北寄貝、魷魚刺身都係咁，反而salad bar啲醃三文魚超鹹 🤮 但係salad都可以接受，有3-4款左右。前菜仲有生牛肉他他、三文魚抹醬呢兩個都ok。主菜我同老公分別叫咗個烤西冷牛扒同一個米蘭式牛仔扒，個牛扒其實就係平時去食自助餐嗰個hot station/meat station通常都有嘅切片牛扒，連個厚度都差唔多。老公切咗啲俾我試，有啲硬，不過有可能係因為我老公要食7成熟 🤣 我叫嗰個米蘭式牛仔扒就唔comment啦，因為我大鄉里出城第一次食呢道菜，所以我唔知佢正常應該係咩樣or咩味，不過我只可以話唔合我胃口，成份扒我食咗應該1/5都冇。甜品選擇都多，質素有酒店水準。 👍🏻總括嚟講，真係如其他人評論所講CP值好低，除
今次係食semi-buffet lunch，入到reception位遠遠見到有海鮮station，問咗話今日有蠔、蝦、青口、翡翠螺，諗住用openrice優惠$440都可以試試，點知真係中伏 😒
上述講嘅海鮮唔知係咪為咗要去咗啲腥味，沖水沖到咩味都冇，全部都勁淡味，連啲北寄貝、魷魚刺身都係咁，反而salad bar啲醃三文魚超鹹 🤮 但係salad都可以接受，有3-4款左右。前菜仲有生牛肉他他、三文魚抹醬呢兩個都ok。
主菜我同老公分別叫咗個烤西冷牛扒同一個米蘭式牛仔扒，個牛扒其實就係平時去食自助餐嗰個hot station/meat station通常都有嘅切片牛扒，連個厚度都差唔多。老公切咗啲俾我試，有啲硬，不過有可能係因為我老公要食7成熟 🤣 我叫嗰個米蘭式牛仔扒就唔comment啦，因為我大鄉里出城第一次食呢道菜，所以我唔知佢正常應該係咩樣or咩味，不過我只可以話唔合我胃口，成份扒我食咗應該1/5都冇。
甜品選擇都多，質素有酒店水準。 👍🏻
總括嚟講，真係如其他人評論所講CP值好低，除非你係打算主攻甜品，否則同一個價錢可以考慮其他餐廳 🙃
Post