Video
Read full review
2022-09-18
1512 views
今晚朋友帶咗我去深水埗一間佢推介嘅餐廳食飯，冇咩事前了解之下，就行入左呢間門口睇落有啲似酒吧嘅地方。門口旁就已經係有一排Beer tap嘅吧枱，見有啲cocktail 同手工啤選擇，咁就順便試試啲野飲。先叫咗一杯有酒嘅Old Fashioned，同埋冇酒嘅What a Peach!，前者酒勁足，香氣帶點橙及朱古力，啱晒夜晚慢慢dap；後者就果香突出，桃味、提子味都好吸引。野食方面俾咗朋友發辦，叫咗個晚市二人套餐，有頭湯主粉甜5個course。朋友話「上次試過架喇，呢度啲嘢好食架！」所以我都冇諗住俾意見揀菜式，由得朋友主導整個飯局，我只專心體驗。當晚唔算太多客人，所以落單後野食都有效率，陸續上枱。頭盤沙律係煙三文魚無花果沙律，入面仲加左青瓜粒、車厘茄，醋汁感覺清爽，汁量亦剛剛好唔會太多，開胃得嚟，新鮮無花果肉嘅清甜，令人想繼續食多兩啖。餐湯今日係甘筍湯，飲落creamy，甘筍味都幾濃，feel到擺咗好多料落去煲。主菜揀左香烤法國春雞，由於多年前讀U時要入廚房嘅經歷，係我平時出街食飯唔會點嘅菜式，但相信呢位識飲識食嘅朋友，所以都即管一試。點知一試之下，真係有驚喜。雞肉烤得剛剛好唔會乾，有淡
先叫咗一杯有酒嘅Old Fashioned，同埋冇酒嘅What a Peach!，前者酒勁足，香氣帶點橙及朱古力，啱晒夜晚慢慢dap；後者就果香突出，桃味、提子味都好吸引。
野食方面俾咗朋友發辦，叫咗個晚市二人套餐，有頭湯主粉甜5個course。朋友話「上次試過架喇，呢度啲嘢好食架！」所以我都冇諗住俾意見揀菜式，由得朋友主導整個飯局，我只專心體驗。當晚唔算太多客人，所以落單後野食都有效率，陸續上枱。
頭盤沙律係煙三文魚無花果沙律，入面仲加左青瓜粒、車厘茄，醋汁感覺清爽，汁量亦剛剛好唔會太多，開胃得嚟，新鮮無花果肉嘅清甜，令人想繼續食多兩啖。
餐湯今日係甘筍湯，飲落creamy，甘筍味都幾濃，feel到擺咗好多料落去煲。
主菜揀左香烤法國春雞，由於多年前讀U時要入廚房嘅經歷，係我平時出街食飯唔會點嘅菜式，但相信呢位識飲識食嘅朋友，所以都即管一試。點知一試之下，真係有驚喜。雞肉烤得剛剛好唔會乾，有淡淡檸檬香，
雞皮都脆口，雜菜同烤薯都juicy，味道足。
Pasta course就揀咗個脆炸鱈魚西西里番茄醬Risotto，先講個飯質，煮得Al dente，唔會太多醬汁，廚師水份控制得啱啱好，水準唔錯。除左面頭兩件脆漿炸魚外，飯入面亦有魚肉粒，整體感覺有連貫，番茄醬味道都濃郁舒服。
甜品就係廚師精選嘅朱古力蛋糕、Tiramisu配雲呢拿雪糕。兩款蛋糕口感同味道都有啲相似，雲呢拿雪糕下面有啲Crumble增加咬口，食埋份量都好夠飽。
食完感覺就係唔好俾佢似酒吧/Cafe嘅門面扼左，其實入面嘅食物質素係幾好，值得大家入去發掘一下。
Post
