Video
Read full review
2010-07-26
16 views
有幸參加是次試食大會, 本應開心的, 可惜天工不做美, 是日三號風球~~未夠開飯時間, 已經有好多食家到達, 我地有一個小小的專區, 不過專區既地方實在有限, 晚飯其間多次被侍應撞到~每位食客一坐低, 侍應馬上上前問大家飲什麼welcome drinks, 有兩款選擇: 1. 北海道牛乳忌廉梳打2. 青檸可樂梳打. 我揀左前者! 聽個名以為好重奶味, 但係飲落去個味道同玉x忌廉無分別! 飲唔出有北海道牛乳既香濃奶味!前菜有泡菜三文魚皮、炸三文魚皮及燒三文魚皮: 三款魚皮其實都麻麻地, 炸三文魚得個脆; 燒三文魚皮, 幾細嚿, 感覺好似食緊d 餸頭餸尾; 泡菜三文魚皮, 泡菜ok, 魚皮唔得!食完前菜, 喺開始食主菜前, 金田長壽司的創辦人Tommy話因為之前試過菜, 發現原本個餐單份量太多, 所以今日個餐單有d 改變! 睇到改左既餐單…..好失望, 無左好多想食既菜!失望完, 開始上主菜, 當侍應捧住四大拳頭刺身拼盆出黎既時候, 大家都嘩然, 4 款刺身包括珍寶北海道牡丹蝦皇刺身、三文魚腩刺身、珍寶北海道帶子壽司及北寄貝壽司, 每一件都好大件. 可惜只係靠份量黎贏住係客人個心係無用,
未夠開飯時間, 已經有好多食家到達, 我地有一個小小的專區, 不過專區既地方實在有限, 晚飯其間多次被侍應撞到~
每位食客一坐低, 侍應馬上上前問大家飲什麼welcome drinks, 有兩款選擇: 1. 北海道牛乳忌廉梳打2. 青檸可樂梳打. 我揀左前者! 聽個名以為好重奶味, 但係飲落去個味道同玉x忌廉無分別! 飲唔出有北海道牛乳既香濃奶味!
前菜有泡菜三文魚皮、炸三文魚皮及燒三文魚皮: 三款魚皮其實都麻麻地, 炸三文魚得個脆; 燒三文魚皮, 幾細嚿, 感覺好似食緊d 餸頭餸尾; 泡菜三文魚皮, 泡菜ok, 魚皮唔得!
食完前菜, 喺開始食主菜前, 金田長壽司的創辦人Tommy話因為之前試過菜, 發現原本個餐單份量太多, 所以今日個餐單有d 改變! 睇到改左既餐單…..好失望, 無左好多想食既菜!
失望完, 開始上主菜, 當侍應捧住四大拳頭刺身拼盆出黎既時候, 大家都嘩然, 4 款刺身包括珍寶北海道牡丹蝦皇刺身、三文魚腩刺身、珍寶北海道帶子壽司及北寄貝壽司, 每一件都好大件. 可惜只係靠份量黎贏住係客人個心係無用, 我地唔係只係想填飽個肚咁簡單!
首先珍寶北海道帶子壽司, 帶子的確係好厚身, 不過有小小腥, 食落軟腍腍, 好唔新鮮既感覺!
跟住輪到珍寶北海道牡丹蝦皇刺身, 第一次用刀叉食刺身, 但隻蝦同樣唔太新鮮, 唔夠爽身, 無鮮味!
4 款當中要數好小小既係北寄貝壽司, 比較有甜味, 但係個飯好散, 食起上黎都幾狼狽!
食完刺身等上燒物, 但係上菜上得好慢, 之後既每一道菜之間要等好耐時間, 而且大部份既熟食, 食既時候已經涼晒!
銀雪魚西京燒: 雪魚燒得唔錯, 肉夠滑, 個醬汁甜甜地幾夾!
鹽燒牛脷: 雖然Tommy 話佢地係揀左牛脷尖 , 即係牛脷最肥美果份黎燒, 可惜牛脷唔係特別腍, 牛肉味唔係特別濃, 亦都食唔出係用鹽黎燒! 不過整體黎講個味道唔錯!
跟住輪到期待以久既創意8吋長壽司, 藍鰭吞拿魚腩壽司 同海膽壽司.
藍鰭吞拿魚腩壽司: 薄薄 一片, 無甜味, 唔夠甘香!
海膽壽司:他們既做法係把 海膽放上紫菜面再加上一層果凍! 好失望!!! 因為 1. 跟本食唔到, 一拎起就散; 2. 紫菜味蓋過晒海膽既味; 3. 嘗試只拿點海膽黎食, 食到既係腥味!
失望過後, 跟住黎返d 正常小小既食物,炸蝦天婦羅拼明太子雜菌
炸蝦天婦:隻蝦夠甜同彈牙, 不過個脆槳太厚, 食落感覺油膩!
明太子雜菌: 呢道菜無咩特別, 只係將d 明太子醬放上炒過 既雜菌上, 味道唔錯!
正常完, 唉~~~又再失望
特大馬刀貝味噌煮: Tommy 介紹既時候話佢地用左西京味噌及赤味噌來烹調, 不過飲落同平時既味噌湯無咩太大分別! 馬刀貝無錯係好大隻, 但係處理得唔好, 食落有沙!
甜品時間, 好壞參半
日本絹豆腐慕絲杯: 全晚最好味道! 豆腐味濃郁, 好滑!
雲呢嗱海膽焦糖燉蛋: 不能夠討我歡心既創意, 食落太咸, 食唔到雲呢嗱味同海膽! 我比較喜歡傳統既焦糖燉蛋!
佢地今餐sell 既係刺身, 可惜成餐飯最好既竟然係銀雪魚同豆腐甜品? 同我預期既完完全全唔同晒! 其實一間餐廳要留得住客人個心, 最重要係食物, 唔應該只係sell 創意! 首先應該將最基礎食味既味道做好, 先去嘗試創新!
最後, 多謝Tommy 全晚好詳盡既講解, 佢好有誠意聽每位食客不論好同壞既意見, 希望佢地聽完真係會作出改善.
Post
