Ruby Tuesday (Closed)

次次到ruby tuesday,都一定叫任夾一次的salad, 無他吧, 貪小便宜之餘, 又可以跟朋友玩一輪, 點先可以夾得多D, 又唔跌, 論技巧都可以聊上十多分鐘, 哈哈。之後再點一些主菜。沙律用的碟四邊只有微微斜,如何放都未能像漢堡包那樣了, 種類都有不少, 長通粉沙律, 吞拿魚, 紅腰豆, 菠蘿, 蜜桃, 西蘭花等。水果就當然是罐頭貨, 不過勝在穩陣, 甜到漏。長通粉沙律簡單伴上甜椒及沙律醬, 簡單美味。今次只得兩口子食, 不需太多了, 只因食沙律已用了大半個胃, 所以叫了一份豬肋骨, 會配上薯蓉及雜菜。我一向都認為豬肋骨是這店做得最好的一個主菜, 只因烤的時間剛好, 切開肉汁好豐富, 汁醬微酸甜, 有咸香, 調得好好, 次次食都好滿足。薯蓉亦有調過味, 薯粒仍有不少, 有口感之餘薯蓉都好滑, 不錯。這店仍是我與大班朋友約會的首選, 皆因坐得舒服, 食物分量都多, 適合一班大胃王朋友~