海魂燒 (Closed)

天后真係好多好野食，同一條街已經有3間日本菜2間燒烤，不得不讚侍應姐姐殷勤嘅服務，絕對為呢間小店加分！無論係燒物定沙律定飯，佢地嘅食物質素都好好，只不過係等候上菜時間較長，平均每樣都要等20分鐘度，如果一路飲酒一路同朋友吹水可能會好啲...一口帆立貝海膽 $68/份一份即一件，帆立貝同海膽都好新鮮，有鮮味，但略嫌貴左啲。香芒牛油果大蝦沙律 $98芒果甜，都好多菜，但無諗過大蝦係泰式生蝦刺身嘅蝦...燒日本廣島蠔 $58/2隻呢個蠔好好食呀！好鮮味，蒜蓉好香！黑松露溫泉蛋和牛海膽石鍋丼 $158和牛共有7片，撈完啲黑松露好香，海膽就無乜影，但整體嚟講呢個飯係好好食！燒鮮白鱔 $58白鱔燒得好香脆，好食！日本黑䐁肉秋葵卷 $32幾特別，表面用左啲辣醬，好食，但較鹹。黑松露芝士牛油焗雜菌 $42黑松露加芝士其實無得輸，但芝士較杰身，比較漏。