一碗 (Closed)

晚膳速吃茶記一碗，人手不足，上菜慢。選了是日客飯薑葱肉片飯，所用上的葱段未夠熟，有點辣喉。肉片份量不多，用上白蘿蔔墊底，肉片質感都算軟身，蘿蔔頗硬，個別更難以筷子插入。炸兩腸粉皮滑度OK，但內層油炸鬼唔夠脆。加$10有沱油菜(菜心)一碟，無乜特別。再加$8有一杯凍奶茶，淡口帶澀唔好飲。同枱好友一碗魚腩粥，粥底帶甜味但欠缺鮮味神髓，魚腩水準不平均，只屬合格之作。