Video
Read full review
2015-07-04
6369 views
舊年聖誕黎過萬豪食自助餐，當時感覺就係食物種類不多，質素不過不失，優點係座位寬敞，但總體性價比不高。沙田區自助餐選擇有限，唔想去太遠又想食自助餐，見到openrice食評話萬豪momo有進步，今次就又黎呢度食。冷盤海鮮有進步，種類多左，多左麵包蟹，鮑魚，泰式生蝦刺身，魷魚仔，同埋上次都有嘅長腳蟹，螺。麵包蟹肉質尚算清甜，比預期的好，但佢嘅膏冇預期的好食，可能因為係凍食，膏有啲乾。長腳蟹肉鮮甜，唔會好似某啲自助餐嘅蟹腳咁咸，但比較瘦同細。 魷魚仔ok。 有兩款螺，但兩款都麻麻地，冇味。最好食係鮑魚同生蝦刺身。鮑魚係普通大連飽貨色，煮法類似日式磯煮鮑魚，有啲甜，肉質彈牙但不會過硬，唔錯，食左好多隻。泰式生蝦刺身，都抵贊。我向來愛食生蝦刺身，呢度有真係驚喜，美中不足係調味偏重，調味蓋過了蝦的鮮味，如果唔加額外調味，我覺得會更好食。生蝦刺身只係refill左兩三次，過左七點後冇refill過，呢點比較失望。冷盤海鮮仲有一種煮熟嘅魚凍食，唔知咩魚，但都ok.(泰式生蝦刺身）刺身方面，自助餐必備的三文魚刺身中規中矩，不會太肥亦不致於過瘦。意想不到嘅係，除左三文魚，其他冇樣刺身我中意。冇吞拿魚，連白
冷盤海鮮有進步，種類多左，多左麵包蟹，鮑魚，泰式生蝦刺身，魷魚仔，同埋上次都有嘅長腳蟹，螺。
麵包蟹肉質尚算清甜，比預期的好，但佢嘅膏冇預期的好食，可能因為係凍食，膏有啲乾。長腳蟹肉鮮甜，唔會好似某啲自助餐嘅蟹腳咁咸，但比較瘦同細。 魷魚仔ok。 有兩款螺，但兩款都麻麻地，冇味。最好食係鮑魚同生蝦刺身。鮑魚係普通大連飽貨色，煮法類似日式磯煮鮑魚，有啲甜，肉質彈牙但不會過硬，唔錯，食左好多隻。泰式生蝦刺身，都抵贊。我向來愛食生蝦刺身，呢度有真係驚喜，美中不足係調味偏重，調味蓋過了蝦的鮮味，如果唔加額外調味，我覺得會更好食。生蝦刺身只係refill左兩三次，過左七點後冇refill過，呢點比較失望。冷盤海鮮仲有一種煮熟嘅魚凍食，唔知咩魚，但都ok.
(泰式生蝦刺身）刺身方面，自助餐必備的三文魚刺身中規中矩，不會太肥亦不致於過瘦。意想不到嘅係，除左三文魚，其他冇樣刺身我中意。冇吞拿魚，連白身魚都冇，只有希靈魚，日式鯖魚，八爪魚呢啲平價貨。要左一片八爪魚試試，一如意料的韌。
壽司嘅飯捏得過實，飯太濕，已經睇唔出飯粒，因為痴埋變左一劈。
到左7點幾，經理黎話俾我地知有劏三文魚表演（三文魚生即分俾大家），我啱先食左三文魚刺身了，冇興趣再去睇。momo嘅燉湯一如以往的好，唔記得問今次係咩湯，但見有好似係蘋果，螺頭，豬肉。
我向來愛吃自助餐的各式火腿，呢度嘅火腿質素唔錯，可惜冇parma ham（上次有）。沙律款式亦偏少。
（上角黑色嗰舊係俾得好孤寒的牛肩扒）到熱菜了，仲係同上次一樣款式不多。冇我最愛的羊架（上次有）。最好食係即切的牛肩扒，有牛味又嫩，算係可以彌補冇羊架的遺憾。但可惜的是，佢俾得好孤寒。佢舊肉由自助餐開始時就得返唔到半舊，每次俾得細細塊，我第二次去攞時，佢俾我一塊後，我話想要多塊，佢竟然切邊邊嗰啲燒到老曬嘅肉俾我，而且更加細舊（見下圖），四星級酒店自助餐喔，牛肩扒又唔係咩貴到飛起嘅食物，洗唔洗咁孤寒。到左7點，佢舊肉得返邊邊又老又硬嘅肉，得返好細舊，佢都仲唔攞舊新嘅出黎（其他酒店自助餐早就攞新嘅出黎了），一直擺住嗰細細舊響度，我當然唔會再去攞，因為啱先試過邊邊嘅肉好難食。我見到其他食客都冇人再去攞，個個都想等佢攞舊新嘅出黎。我7點半走時，未見佢攞新嘅出黎囉。
（左上角兩塊黑色的係第二次攞嘅牛肩扒，其中最左邊嗰塊係在我要求下俾嘅第二塊，佢就俾我好細塊，係邊邊疑似燶燶地嘅部分）其餘熱菜有燒鴨，叉燒，油雞，牛展，炒牛肉，菠蘿骨，超油嘅印式咖哩牛（or 羊？），兩款青菜-- 一個似係馬拉盞炒菜心，另一個係灼西蘭花，炒蝦仁，蒸魚，茄汁螺絲粉，炒飯。 聽落係咪全部都係平價食物？冇錯就係咁。 但食物質素還可以，我食左燒鴨，油雞，牛展，炒牛肉，呢啲全部都幾好食，炒蝦仁比較油，但尚算ok。 蒸魚比預期好，好多酒店自助餐嘅蒸魚都好老好鞋，因為條魚係平價魚，呢度蒸魚都有少少滑同少少魚鮮味，可能條魚靚啲？
有個鐵板燒檔，但燒嘅都係平價食物-- 蝦，排骨，大大隻雞髀（但你唔會想俾幾百蚊黎食雞髀掛？），試左其中嘅燒排骨（類似美式蜜汁排骨），又硬又乾唔好食。仲有啲韓式食品--泡菜炒年糕，豆芽，泡菜，辣羅蔔，只可以話係正常。
有個面檔，有灼菜，乜丸乜丸嗰啲，冇仔細睇，冇興趣。
到甜品，甜品款式算多，除左雪糕，我向來不熱衷甜品，所以唔會特別去記甜品名。揀左啲試下，印象比較深刻的有栗子慕斯蛋糕，仲有幾款咩咩蛋糕，桂花糕，水果啫哩，全部都幾好食，桂花糕有桂花味。甜品全部唔會太甜，啱我。
雪糕H牌，係杯裝，只有朱古力，士多啤梨，雲呢拿，原先想食雲呢拿，但見到隔離有軟雪糕，即刻改變主意。H牌成日有得食，反而軟雪糕少食，想試下。果然冇失望，軟雪糕唔會好似H牌咁甜，中意。可以揀cone的，但我食唔落個cone，所以要左碗裝。
恆生信用卡九折後，埋單約500蚊一位，可以從6點食到10點，但屋企人趕住走，我又飽左，所以7點半我地就離開了。總括黎講，啲野幾好食，但種類少，多數係平價野，性價比不高，以後仲黎唔黎都要諗諗。今晚冇坐滿，週六夜晚都坐唔滿，可見呢間自助餐不熱門，其實酒店可以做多啲promo同優惠，增加菜式，某啲菜式真需要refill快啲。
（p.s. 我地嘅位燈光好暗，啲相係是旦影嘅，大家都係將就睇下啦)
Post
