尚八日式燒肉店 (Closed)

內在環境好優雅，有別於一般迫挾放題/燒肉燒肉嘅夾夠長(咁樣隻手就唔會放咗喺個爐嘅正上方，燒到熱晒，另外佢個夾都好容易就夾到，唔使點樣用力，唔會愈燒愈攰。一枱一盤（我地 4人，中午食）牛肉品質算係中上，有唔同嘅部位。但食食吓其實都好難記得邊啲部位好食佢嘅蜆、青口同扇貝都好高質，另外佢嘅蒜蓉係好好食嘅蒜蓉，扇貝有某幾隻仲要係特別大隻，我哋都叫咗幾輪。除此之外我哋都有瘋狂叫菠蘿燒，因為可以解膩嘢飲嗰度都有啲大路嘢例如綠茶、烏龍茶、韓國樂天嘅一啲產品另外每一台佢都有4款漿汁點，包括檸檬汁，蒜蓉汁，豉油汁同埋燒汁整體來講佢上菜速度唔算特別快，所以大家要留意（可以一次叫多少少），另外甜品只可以叫一輪，有幾款雪糕，同埋一啲奶凍。另外仲有就係我哋第一個爐呢佢個火勁細，燒到剩返半個鐘嘅時候我哋忍唔住叫佢轉爐，去第二枱個火就大好多啦。