樂天大喜屋 (Closed)

真係好似好耐冇食過日本放題啦，呢排比較食得多係火鍋放題同牛肉放題，都係離唔開放題。冇錯啦，今次就食日本放題。知道佢哋今次更新個餐牌，今次就揀咗呢間位於旺角創興銀行嘅樂天大喜屋放題，佢嘅地點方便就到大家，而且食物種類都幾多。今次同朋友兩個女仔點咗壽司唔同種類嘅食物，例如有刺身、甜蝦、三文魚、虎蝦、鮑魚、花膠、豬手、炸香芋丸、炸鮮奶。另外點咗啲壽司，有我最鍾意食嘅左口魚變壽司、喜歡左口魚變壽司，我點咗好多件重複，因為太鍾意食，佢食落好香煎香嘅魚味，推薦大家一定要試！另外海膽手卷都係每次必點嘅，呢款都點咗重複好多件，佢細細件，每次食幾件都唔會覺得太飽，咁就仲有胃口食多啲其他嘢食～另外佢哋今次都加多咗好多新嘅食物，例如係活𩶘魚刺身同乳鴿，記得之前都冇呢啲食物。另外出邊都有一個位置係可以自由出去拎飲品、甜品、同埋一啲熟食，水果，湯、糖水、仲有一啲冷盤、食物等等……其中冷盤食物係我最愛，有帶子裙邊！我好鍾意食帶子裙邊啊，食咗咁多生冷嘢都一定要暖吓個胃，所以另外飲品主要我都係飲熱飲，飲咗佢嘅熱羅漢果茶，另外仲揀咗佢嘅烏雞湯飲。最後食得太飽，就攞咗出邊嘅橋頭酸酸美味消吓滯，然後再有胃口食多少少甜品蛋糕