茶舍 (儲金閣)

Open Now

Now Closed

閒日夜晚嚟到都好街坊幫襯，餐牌食物選擇多，係幾新派企理嘅茶餐廳。🥢三層芝士焗鮮茄牛脷飯 $58牛脷份量都多，肉質軟腍；我鍾意食多芝士嘅焗飯，呢個焗飯就完全滿足到我嘅要求，每一啖都會食到濃郁嘅芝士同茄醬😋🥢穀飼安格斯牛 $148配餐湯、沙律同埋白飯/扁意粉或薯條，今次嘅餐湯係龍蝦湯，沙律係撈埋芝麻醬噉上。我哋揀咗扁意粉，面質彈牙有咬口，唔會過腍；牛扒叫咗五成熟，賣相對辦，軟腍冇筋，牛味都濃。醬汁可以揀黑椒汁或蒜蓉汁，我哋揀咗前者，不過其實塊扒本身都夠味，所以個汁主要用嚟撈意粉；拌碟嘅配茶都燒得唔錯，粟米好甜😋🥢熱華田、熱檸水兩個餐都包飲品，抵食。