Video
Read full review
2018-06-23
685 views
見到少爺泰新開張，門面裝修都幾靚，一於今晚食呢間試新野！由於個個湊熱鬧，要排隊等位，等咗 20分鐘。打開餐牌，見到頭兩頁原來係寫咗泰文譯中文嘅讀音，好搞笑，似係玩嘢多啲。餐牌圖文並茂介紹得好好，見到價錢其實唔算貴，食物種類非常多，真係唔知點揀好， 樣樣都想食。 點菜後突然侍應放低一隻菠蘿仔，以為做乜，原來係夾住點菜單的，係一個小小心思，令你餐飯未食之前已經幾開心。 先點飲品， 見隔離枱杯飲品識發光咁得意，我哋又來一杯。泰公主$48 , 有士多啤梨打成像奶昔的飲品，味道唔會似好假嘅藥水味，真係有士多啤梨果肉碎，所以價錢貴啲，但係飲完透心涼，喜歡真士多啤梨味的話可選。香茅特飲$28 ,呢個飲品簡單而清新，香茅味不算濃，微甜，夏天飲很舒適，加上底部有發光裝飾，射上剛骷髏頭玻璃杯幾靚。新鮮椰青$38 ,椰青水係最穩陣嘅味道，大大個椰青仲可以食埋椰子肉，清甜解渴，消暑一流，食泰國嘢必點。泰式鳳爪沙律$72, 都有8隻咁多。 喜歡鳳爪無骨，食落皮爽口，筋又有彈性，很有嚼勁，連埋泰式沙律一齊食，爽口感覺更豐富，味道酸甜，而辣辣味會比其他泰式餐廳多一點，但好啱我口味。超級特濃冬陰功蝦湯粉$108, 選
由於個個湊熱鬧，要排隊等位，等咗 20分鐘。
打開餐牌，見到頭兩頁原來係寫咗泰文譯中文嘅讀音，好搞笑，似係玩嘢多啲。
餐牌圖文並茂介紹得好好，見到價錢其實唔算貴，食物種類非常多，真係唔知點揀好， 樣樣都想食。
點菜後突然侍應放低一隻菠蘿仔，以為做乜，原來係夾住點菜單的，係一個小小心思，令你餐飯未食之前已經幾開心。
先點飲品， 見隔離枱杯飲品識發光咁得意，我哋又來一杯。
泰公主$48 , 有士多啤梨打成像奶昔的飲品，味道唔會似好假嘅藥水味，真係有士多啤梨果肉碎，所以價錢貴啲，但係飲完透心涼，喜歡真士多啤梨味的話可選。
香茅特飲$28 ,呢個飲品簡單而清新，香茅味不算濃，微甜，夏天飲很舒適，加上底部有發光裝飾，射上剛骷髏頭玻璃杯幾靚。
新鮮椰青$38 ,椰青水係最穩陣嘅味道，大大個椰青仲可以食埋椰子肉，清甜解渴，消暑一流，食泰國嘢必點。
泰式鳳爪沙律$72, 都有8隻咁多。 喜歡鳳爪無骨，食落皮爽口，筋又有彈性，很有嚼勁，連埋泰式沙律一齊食，爽口感覺更豐富，味道酸甜，而辣辣味會比其他泰式餐廳多一點，但好啱我口味。
超級特濃冬陰功蝦湯粉$108, 選了金邊粉。金邊粉吸收了特濃冬陰功蝦湯的味道，食落非常香，而且又有番茄味酸酸哋，好開胃。辣味不算多，只是微辣而已，香港人一般都食到。蝦就不夠新鮮，肉質不夠爽口，可以再改善蝦的質素。然而，湯味煮得非常香濃，整碗湯都飲曬。
唔係炒嘅街頭泰北生菜包$72, 菜式名稱已經話咗畀你知，佢唔係炒嘅。
唔用炒煮成的豬肉碎，會更加多肉汁，但味道會否不夠香呢？原來落咗泰式香料，有 孜然粉、香茅、洋蔥等煮成，聞到都夠香。由於肉汁超多，包在生菜上面食時，會流汁出來的，要食得小心d唔係滴落身上。生菜夠新鮮，包住肉碎，非常有彈性又爽口。超推介！呢個價錢食生菜包唔算貴。
金莎咸蛋軟殼蟹米紙卷$78, 賣相好靚，好似一碟藝術品上枱。見到紅色的汁，原來是士多啤梨醬，不是茄汁哦。 鹹蛋是指另上的鹹蛋黃醬，軟殼蟹米紙卷點鹹蛋黃醬食，食到好香蛋黃味，咸咸地，軟殼蟹又脆脆脆地，好香口！再點士多啤梨醬，又增加甜味。連埋裏面的蔬菜食，口感很豐富。
招牌菠蘿炒飯配大頭蝦$168, 賣相好靚，我哋未食之前先要攞佢做道具影相 ,一大串菠蘿同大頭蝦，插在菠蘿頂，成棵樹咁，好有東南亞feel, 即刻好似度假咁開心！
炒飯比較濕身，但係唔係淋曬嗰種，都ok。菠蘿粒粒份量好多，而且仲有提子乾增加甜味。豬肉鬆份量都唔少，整個炒飯用料足，食落好香甜，仲有成串菠蘿畀你食，菠蘿多汁清甜，大頭蝦肉質冇海蝦咁爽口，不過都夠實淨，大大隻，炸過好香口。
埋單加一$715, 四個人share食咗咁多嘢其實係超飽的，所以呢度食物款式多，啱成班朋友一齊嚟，試多啲特色食品。
Post
