Video
Read full review
2008-06-15
9 views
6月7日, 呀菲媽媽生日話想打邊爐~ 所以一早就揀左幾個地方比媽媽揀! 最後新星以9點後$78位任飲任食湯底另計突圍而出~ 我地8點10去到已經見到門口超多人等位, 好彩訂左台, 好快就比我地入左去~ 坐低見到有兜花生, 原來每人仲要收$8茶芥醬油(其實即係豉油)錢. 落左單之後好快就上湯底, d材料仲係一大兜咁擺埋一大碟... 場面真係超壯觀!!!湯底 ::: 皮蛋元茜+沙爹湯底雙拼::: $148隨湯底附送 美國桶裝生蠔5隻+生力啤1大支!!基本上我地再翻查帳單, 發現其實個湯底只係$38… 不過佢硬sell埋d蠔同啤酒落個package度. 一定係咁揀. 好彩佢d蠔都真係好大隻!! 錄完都仲有成半隻手掌咁大, 不過味道就只係一般~::: 肉類 ::: 有肥牛, 手切牛肉, 豚肉, 豬下青, 羊肉, 滑雞等~ 特別的仲有有駱駝峰, 駝鳥肉等.基本上好多隻肉個味都差唔多... 我地都唔係好知佢乜野打乜野. 不過豬下青幾特別~ 好似豬頸肉~ 但係食得多會好膩~ 所有肉類都唔會話成舊冰咁拎黎::: 海鮮類 ::: 有海蝦, 墨魚, 鮮魚滑, 鱔片, 鯇魚片, 九肚魚等. D魚都幾新鮮~
我地8點10去到已經見到門口超多人等位, 好彩訂左台, 好快就比我地入左去~ 坐低見到有兜花生, 原來每人仲要收$8茶芥醬油(其實即係豉油)錢. 落左單之後好快就上湯底, d材料仲係一大兜咁擺埋一大碟... 場面真係超壯觀!!!
湯底 ::: 皮蛋元茜+沙爹湯底雙拼::: $148
隨湯底附送 美國桶裝生蠔5隻+生力啤1大支!!
基本上我地再翻查帳單, 發現其實個湯底只係$38… 不過佢硬sell埋d蠔同啤酒落個package度. 一定係咁揀. 好彩佢d蠔都真係好大隻!! 錄完都仲有成半隻手掌咁大, 不過味道就只係一般~
::: 肉類 :::
有肥牛, 手切牛肉, 豚肉, 豬下青, 羊肉, 滑雞等~ 特別的仲有有駱駝峰, 駝鳥肉等.
基本上好多隻肉個味都差唔多... 我地都唔係好知佢乜野打乜野. 不過豬下青幾特別~ 好似豬頸肉~ 但係食得多會好膩~ 所有肉類都唔會話成舊冰咁拎黎
::: 海鮮類 :::
有海蝦, 墨魚, 鮮魚滑, 鱔片, 鯇魚片, 九肚魚等. D魚都幾新鮮~ 爸爸仲叫左個魚頭成個掉左落去打邊爐添... 足足佔咗成邊~
::: 丸子類 :::
有手打蝦丸, 墨丸, 牛丸, 豬肉丸, 貢丸, 醬爆鯊魚丸, 菜肉雲吞, 韭菜豬肉餃, 白菜豬肉餃, 魚皮餃, 蟹子包心丸, 芝士腸等等等等... 手打丸睇落都新鮮食落彈牙有肉味. d餃子個皮就太厚粉了~
::: 蔬菜類 :::
基本上娃娃菜, 白菜, 生菜, 唐蒿菜, 油麥菜, 冬瓜, 金菇, 秀珍菇, 蘿蔔, 竽絲, 山筋, 炸豆卜等好多都有. 不得不提我最愛的粟米~
呢度環境算幾乾淨又冇乜漏單服務亦不錯仲有電視睇. 食物選擇又多又任飲菊花蜜, 酸梅湯, 汽水, 啤酒. 埋單每人百二, 真係好抵食~!!
Post
