定食 Doraya (駱克道)

Open Now

Now Closed

是日random 路經呢一間店幾年前食過係好味但係座位好迫，所以冇再去。今日路過五點幾就嚟六點嘅時候竟然好多位咁就入去試吓再食，結果六點打後又爆場。爆都有原因嘅食物真係OK唔錯👍🏻因為本人weekend會去做gym，所以孭住個大背囊。初時入去冇人，所以求其放喺座位上面就算。點知後來越嚟越多人。所以要拎起背囊。都唔緊要，但餐廳職員無視我求救，個樣表現一面「好L煩。」問題你連俾個籃我放地下都冇。事關我衰，唔捨得放個2萬蚊backpack 係地下…唯有求其勾住咗個櫈背…實在唔好意思，又影響後面食客。講呢一段嘢就係因為個開頭同服務員嘅互動已經有少少影響咗飲食嘅心情。平心而論講返啲食物係OK正嘅，但係因為坐得咁迫，根本就係趕住你食完就要即刻走…後邊有人等…咁其實你應該整到好似一蘭嗰啲面壁位而唔係四人枱兩pair人你眼望我眼大家又唔識，但係又同台食飯 食得尷尬，又傾唔到偈而且食到咁大壓力逼住你快啲食完要走。所以下次唔會再嚟呢一間。