ND42 Bar & Lounge (Closed)

限聚令放寬以黎，餓左好耐既人好似一湧上街，各間食肆酒店都爆滿。早有準備，我就一早book左ND42 ！我地係諗住邊食邊飲，所以搵左間野食comment唔錯的。打開menu ，主打提供意式西餐，都有好幾款吸引我試。牛油果🥑Nachos係我最愛！份量夠多，用左靚芝士，牛油果醬，某品牌墨西哥粟米片，一流既配酒菜😍招牌推介bacon cheese chicken wings。睇返圖都流口水，雞翼外皮鬆脆，保留肉汁，加煙肉芝士即惹味非常。Avocado salad with prawns 個擺盤十分特別，沿着碟邊鋪上沙律，份量其實得一半🤭今時今日賣相都係重要，要呃like打卡！牛油果質素非常好(平時好多時買到伏既牛油果)，沙律菜清脆爽口。唔飲啤酒既話仲有cocktail，我點左杯vodka lime，飲得出酒既分量唔姑寒。