明珠閣 (Closed)

今日去新城市廣場食lunch，同事提議去呢間，搭緊車已經用apps訂定位，去到唔使等位。第一次黎，見餐牌好多款點心同小食，花多眼亂，我地三個人決定share個二人餐。同事推介叉燒皇，每件都幾厚，入口夠淋又有半肥瘦，好食。個餐可以選兩款點心，揀咗春卷腸粉同腐皮卷，春卷腸粉入口時仲熱，春卷香脆，腐皮卷香脆亦唔油。另外包一款飯麵，揀咗薑汁蛋白炒飯，飯粒炒得幾乾身，薑味濃。個餐仲有兩個湯同一碟炒芥蘭，三個人食夠飽。