加東叻沙蝦麵 (Closed)

平時都唔會寫食評，睇就多！呢間舖果然有個黑面女職員，出單不跟先後次序，客人投訴話廚房師傅搞錯左次序係正常，另一檯客追肉骨茶，男同事好心提一下，呢位女職員話知啦，煲緊嘛！怪不得呢間食評咁差！其實食物質素無問題。出餐時唔多知邊檯客人要咩，無寫低檯號，埋單仲問你叫左咩，怪不得檯檯客都漏單，錯漏百出。個人親身經歷係叫左2杯熱檸蜜，但嚟到唔似檸蜜，對單時寫 $22/杯，我地話餐牌係$20 喎，個女職員話餐牌價錢無更新青檸柑桔係$22，講完就行開左，對一對餐牌至知原來佢嚟錯左，我飲個杯唔係檸蜜，係貴$2嘅青檸柑桔，個餐牌價錢無錯！係整錯左杯飲品，總之唔會再嚟！