Noodle LAH! (Closed)

今日行左去金鐘覓食，但又怕多人所以㨂左遠東金融中心嘅Noodle Lah試下。餐廳頗大樓底又高，坐落都幾舒服。menu係新加坡菜，基本上有喇沙丶貴刁丶海南雞飯等等。先泥杯三酸。檸檬丶青檸加話梅。本來好有期望，但飲落真係平平無奇，就似一杯lemonade而已。價錢方面亦唔平，$33加一。炒LAH！沙～有香茅雞丶魚片丶蛋同河粉。味道算香口，料算多不過整碟份量偏少，好快食完。值得一提嘅係辣椒醬（冇影），唔會好辣仲有少少甜味，唔錯。