Video
Read full review
2017-09-07
357 views
#王家沙大家食得多 銅鑼灣呢間#王家沙花樣年華 食高檔路線食埋裝修 座位闊落冇限時 不過野食就.....😅Part 1 前菜篇#醉嘉美雞 $88 用個酒酲上 雖然細細個但入面都好多舊 酒味濃 肉質唔鞋 唔錯#無錫脆鱔 $88 呢個好好味 脆鱔炸得好香口 連埋甜甜既醬汁好開胃 忍唔住啖接一啖 不過咁少份量黎講定價太進取#陳醋海蜇頭 $78 呢味餸始終係尖東九龍富豪酒店富豪軒 最好食 沒有之一#糖心燻蛋 $36 魯過既蛋蛋黃係流心狀 上面有啲胡椒粉 幾好食 賣相都精緻#陳醋木耳 $48 木耳爽脆 正正常常啦#四喜烤麩 $48 醬汁調得幾好 軟綿綿口感唔錯Part 2 主食篇#雜菌松露天鵝酥 $42 呢個其實有啲似舊式酒樓既炸芋角 不過入面係黑松露 松露味係有既 一咬開俾熱辣辣既煙呃左 原來個外皮超。級。硬！刀都拮唔入 完全冇酥脆既口感 dor對新鮮出爐既野不嬲都好有allowance 但呢個真心唔掂 臨走見到隔離枱淨係食哂入面 成個殼冇食 失望#松子鱸魚 $198 條魚好細條 炸到連魚肉都消失埋 每一啖都只係食到炸粉 又係硬既 $198喎su唔sure!??#蘇式鮮肉小籠包 $48 都皮薄
Part 1 前菜篇
#醉嘉美雞 $88 用個酒酲上 雖然細細個但入面都好多舊 酒味濃 肉質唔鞋 唔錯
#無錫脆鱔 $88 呢個好好味 脆鱔炸得好香口 連埋甜甜既醬汁好開胃 忍唔住啖接一啖 不過咁少份量黎講定價太進取
#陳醋海蜇頭 $78 呢味餸始終係尖東九龍富豪酒店富豪軒 最好食 沒有之一
#糖心燻蛋 $36 魯過既蛋蛋黃係流心狀 上面有啲胡椒粉 幾好食 賣相都精緻
#陳醋木耳 $48 木耳爽脆 正正常常啦
#四喜烤麩 $48 醬汁調得幾好 軟綿綿口感唔錯
Part 2 主食篇
#雜菌松露天鵝酥 $42 呢個其實有啲似舊式酒樓既炸芋角 不過入面係黑松露 松露味係有既 一咬開俾熱辣辣既煙呃左 原來個外皮超。級。硬！刀都拮唔入 完全冇酥脆既口感 dor對新鮮出爐既野不嬲都好有allowance 但呢個真心唔掂 臨走見到隔離枱淨係食哂入面 成個殼冇食 失望
#松子鱸魚 $198 條魚好細條 炸到連魚肉都消失埋 每一啖都只係食到炸粉 又係硬既 $198喎su唔sure!??
#蘇式鮮肉小籠包 $48 都皮薄多汁既 食埋咁多劣食食到啲正常野已經覺得好好食
#上海話梅骨 $98 個味係唔錯既 酸酸甜甜咁 但係大佬 乾到我以為自己食緊有骨既豬肉乾
#鮮肉生煎包 $42 求解答 冇湯既生煎包其實叫唔叫生煎包？定係豬肉包烘底？
#賽螃蟹蒸餃 $42 正常味 但有西芹 唔係個個岩食
#上海菜煨麵 $52 除左小籠包 已經係最好食
灰到唔想講野🙄
Part 3 甜品篇
主菜食到嬲嬲地對甜品完全冇期望 求其叫左幾樣有得食下就算 突然諗到呢間#王家沙花樣年華 同#greyhound 係打通既 (去toilet直頭要經過greyhound既甜品櫃) 就問下店員可唔可以俾我地買greyhound啲蛋糕過黎食 點知又ok 終於為呢餐晚餐加返唔少分數
#流沙奶黃包 $36 賣相取勝 唔算有驚喜
#王家沙壽包 $38 係荳沙蓉黎既 但蛋黃唔夠香 壽包始終#東海 最好食
#椰子千層蛋糕 $78+1 由greyhound店員拎過黎既招牌fresh coconut crepe cake 有好多新鮮椰子肉 冇咁膩 cream都好香滑 唔錯 不過偏貴
#泰國咖啡千層蛋糕 $68+1 有幾隻朱古力餅樣既長頸鹿 造型可愛 但lum哂 用朱古力會比較好 泰國咖啡味都好香濃既 不過$68既話我會食返ladym
總結呢間王家沙花樣年華環境真係唔錯既 坐得舒服 冇限時 我地由6:30坐到10點幾都冇人趕(加上佢本身都唔full啦) 但食物真係非常一般 主菜更係重災區 我相信銅鑼灣仲有大把選擇
Post
