Video
Read full review
2017-04-18
948 views
最近爸爸努力返工，我哋就努力讀書，做兼職嘅錢用來一齊食飯最矜貴，當俾咗家用架啦！一到去環境唔錯，有啲似散點Mode的日本餐廳，位置不鬆動，人數較多。蟹子沙律大大碗，整體溫度是室溫，比較健康，也爽口。通常一般人會鍾意食好凍嘅沙律，但係其實凍嘅沙律雖然好味但係唔健康，所以我幾欣賞；同埋真係新鮮嘅材料先可以唔凍！海膽手卷大大件，最令人驚喜的就是裏面竟然有我最愛的三文魚子和甜蝦，雖然海膽是韓國海膽（有花生味LOL），但整體配搭已經非常新鮮又清新，再加上紫菜口感爽脆令人加分。燒菠蘿、燒蕃薯仔、燒翠玉瓜、汁燒帆立貝做得不錯，燒得剛好，菠蘿有保持水份而且番薯仔亦外脆內稔，帆立貝也很有彈性。美中不足就是翠玉瓜鹹味過濃，失色了。香蕉天婦羅熱力十足，絕對推介！海鰻天婦羅有少少似平時食嘅鰻魚壽司，好少地方有得食，都係必點之選。芝士焗帆立貝都唔錯，芝士旁邊有啲粟米，個醬汁都幾吸引。極尚升級*每位加＄38無限享用數款升級食品以下都係加錢嗰啲安格斯牛柳調味做得唔錯，雖然有少少肥筋位，但係食得出唔係冰室嗰啲Hea住加勁多鬆肉粉，值得加錢點。日本蟹腳雖然都算新鮮，但係真係冇咩甜味⋯珍寶帶子有少少似半熟帶子，口感好搞笑
一到去環境唔錯，有啲似散點Mode的日本餐廳，位置不鬆動，人數較多。
蟹子沙律大大碗，整體溫度是室溫，比較健康，也爽口。通常一般人會鍾意食好凍嘅沙律，但係其實凍嘅沙律雖然好味但係唔健康，所以我幾欣賞；同埋真係新鮮嘅材料先可以唔凍！
海膽手卷大大件，最令人驚喜的就是裏面竟然有我最愛的三文魚子和甜蝦，雖然海膽是韓國海膽（有花生味LOL），但整體配搭已經非常新鮮又清新，再加上紫菜口感爽脆令人加分。
燒菠蘿、燒蕃薯仔、燒翠玉瓜、汁燒帆立貝做得不錯，燒得剛好，菠蘿有保持水份而且番薯仔亦外脆內稔，帆立貝也很有彈性。美中不足就是翠玉瓜鹹味過濃，失色了。
香蕉天婦羅熱力十足，絕對推介！海鰻天婦羅有少少似平時食嘅鰻魚壽司，好少地方有得食，都係必點之選。
芝士焗帆立貝都唔錯，芝士旁邊有啲粟米，個醬汁都幾吸引。
極尚升級*每位加＄38無限享用數款升級食品以下都係加錢嗰啲
安格斯牛柳調味做得唔錯，雖然有少少肥筋位，但係食得出唔係冰室嗰啲Hea住加勁多鬆肉粉，值得加錢點。
日本蟹腳雖然都算新鮮，但係真係冇咩甜味⋯珍寶帶子有少少似半熟帶子，口感好搞笑⋯
赤蝦就比較爽口新鮮，同平時嘅口味相近。
鵝肝多士真係勁香脆，惜鹹味都比較濃⋯
芝士焗蠔個醬汁就最吸引，裏面嘅蠔大大隻又肥美，不過都有少少沙，無辦法啦。
我哋四個人，仲送咗一個火鍋，可以無限任添嘅食品。可以當埋火鍋放題，哈哈！有美國肥牛，我哋就叫咗幾款菜，健康一點啊。
飲品大約有10款左右，如果加＄18就有清酒任飲，甜品選擇唔多，就有雀巢雪糕，朱古力味雪條同埋蛋糕。
因為店員數量都比較多，所以做嘢速度其實都幾快，鮮有漏單情況。
Post
