Video
Read full review
2022-04-26
43 views
放工去咗旺角拎貨，再順便買晚餐同朋友食。難得朋友有主見話想食拉麵，咁我就搵吓邊度有。我喺豉油街見到有間「僕之拉麵」，門面幾靚仔，就一於入去幫襯😛。餐廳門面設計以至內在裝修均別具心思，即使係買外賣，但男店員亦不忘熱情招呼，並介紹菜式，佢態度專業又親切👍。叉燒拉麵係呢度嘅主打🍜，唔同款式嘅分別取決於叉燒嘅種類同份量。定價由$78至$135不等，可算係豐儉由人。佢另外亦有提供小食。我叫咗兩碗拉麵同兩個小食，份量多到一個點，特別係啲餸😱。外賣包裝精美兼穩陣，就連紫菜都獨立包好，以盡量還原堂食嘅正宗滋味🥡。特選拉麵($135)，食材包括炙叉燒、叉燒1.5倍、紫菜2枚、蔥、味筍以及味付雞蛋。🔥火炙叉燒長長一條好矚目，食落帶點微微燻香，半肥瘦嘅肉質好邪惡。同時，每碗均附有嘅筍同溏心蛋都唔錯🥚，好夠味。肉愛食者拉麵($120)，食材包括叉燒3倍、角切叉燒、蔥、味筍以及味付雞蛋。🐷肉，全部都係肉，難怪係肉愛食者之選。角切叉燒大小適中，富有咀嚼感，口感好正。至於三倍嘅基本叉燒直頭可以用震撼嚟形容🤣，皆因佢有成十幾廿片。每片較為薄身，但面積唔細，肉身又軟又嫩。由於外賣，所以我要求啲麵硬身啲，再加埋分湯上嘅關
放工去咗旺角拎貨，再順便買晚餐同朋友食。難得朋友有主見話想食拉麵，咁我就搵吓邊度有。我喺豉油街見到有間「僕之拉麵」，門面幾靚仔，就一於入去幫襯😛。
餐廳門面設計以至內在裝修均別具心思，即使係買外賣，但男店員亦不忘熱情招呼，並介紹菜式，佢態度專業又親切👍。
叉燒拉麵係呢度嘅主打🍜，唔同款式嘅分別取決於叉燒嘅種類同份量。定價由$78至$135不等，可算係豐儉由人。佢另外亦有提供小食。
我叫咗兩碗拉麵同兩個小食，份量多到一個點，特別係啲餸😱。外賣包裝精美兼穩陣，就連紫菜都獨立包好，以盡量還原堂食嘅正宗滋味🥡。
特選拉麵
$135
2 views
0 likes
0 comments
肉愛食者拉麵
$120
0 views
0 likes
0 comments
至於三倍嘅基本叉燒直頭可以用震撼嚟形容🤣，皆因佢有成十幾廿片。每片較為薄身，但面積唔細，肉身又軟又嫩。
由於外賣，所以我要求啲麵硬身啲，再加埋分湯上嘅關係，麵質爽彈，好食。湯底有兩款可選：豚骨濃湯以及豚骨清湯🦴🍲。我認為兩者味道都好濃郁，如果要比較的話，濃湯豬骨味重啲，而清湯就醬油味強啲。
炸雞
$38
0 views
0 likes
0 comments
炸章魚($30)，🐙章魚份量唔算好多，不過勝在炸衣薄脆，肉質爽爽的，一啲都唔韌。
總括嚟講，呢間係食肉獸必去嘅拉麵店😎，估唔到外賣都咁足料，絕不欺場。外賣自取做緊八折優惠，如果拉麵癮起不妨買碗返屋企食吓。
Post
