美心.翠園 (Closed)

喺機場想食中菜，除左行遠小小去富豪酒店嘅紅軒，仲有一號客運大樓嘅翠園。入到黎叫左個SET，兩個點心加一碟炒粉面。另外再加一個食肉獸不能錯過嘅脆皮牛坑腩。肉鬆鴛鴦米 - 鴛鴦米係指米粉加粉絲，肉鬆我又唔係好覺食得到，鹹鹹地，無咩鑊氣，叫鴛鴦炒飯無咁嬲。炸春卷  - 細細個已經最鐘意食包肉嘅潮式春卷，記憶中係觀塘工業中心嘅一間潮州酒家最好食，不過已經執左好多年，食唔返。講返呢一個春卷，熱上，所以都好夠香口，入面嘅料足略為唔夠味。整體不錯。脆皮牛坑腩 - 食肉獸無得輸之選 ，已經喺呢間食過幾次。不過今次呢個唔夠肥美，脂肪比較小，所以有幾舊咬落去有d乾。潮州粉果 - 平時叫粉果得三舊，佢俾夠四舊你！不過都足料，但係個皮唔知點解好易穿，一夾就散。