佐賀山田 (Closed)

今日去咗青衣城，聽講開咗d新食肆，見到呢度有日式火鍋任食，就入咗去，點知聞到陣陣嘅燒烤香味，於是轉軚食燒肉！我哋揀咗個中路價錢嘅SRF安格斯和牛放題，SRF出產嘅牛肉有日本和牛的油花，亦有美國安格斯牛的濃厚肉味。呢個餐仲可以食到其他品種牛肉嘅唔同部位，勁抵！雜錦燒肉冰鮮盒除咗有SRF牛肉、仲有日本黑毛和牛、美國牛小排，美國牛肋肉、骨符牛肋肉，燒出嚟嘅牛肉真係食得出唔同口感同肉味，當中牛小排、黑毛和牛同SRF牛肉最正。肉嫩油花多，油香撲鼻，肉味香濃。仲有唔同味道腌製嘅美國和牛牛版腱、美國肩脊肉、雞腿肉、牛舌、鹽燒牛油帶子、蝦、牛油廣島蠔、麻油燒蒜粒、大啡菇，牛油廣島蠔同大啡菇超正，隔住錫紙燒出嚟嘅廣島號充滿牛油香味又肥美，燒大啡菇令到菇味濃縮左，特別美味。出邊仲有任食甜品同蔬菜飲品等等，又飽又滿足晒我呢個食肉獸，唔錯唔錯。