牛太郎 (Closed)

-🔸澳洲肉眼 300g $140🔸牛肩脊肉 300g $155-有次行經過見到呢間石燒牛好似幾吸引，今日終於去咗試喇。餐廳地方非常闊落，坐得幾舒服。餐廳提供四款唔同嘅牛肉，我哋今次就揀咗牛肩脊同澳洲肉眼。上枱見到兩件牛肉都非常靚仔，而且好厚切，餐廳預先會煎好一成熟，然後再自己燒成想要嘅熟度。澳洲肉眼嘅油脂比較豐富，所以食落口會充滿牛肉嘅油香，質感非常軟稔。而牛肩脊嘅肉質就較結實同少筋，牛味較重，我個人就比較鍾意牛肩脊喇。除咗牛肉之外，仲提供自助沙律吧、味噌湯同白飯任裝，仲有圍裙避免彈油，非常貼心呢！