Video
Read full review
2017-11-27
629 views
食肉獸朋友嚴選推介，未食已經知會係好恐怖。一拖再拖，伊賀之會始終要來可能我地好早來到，店内顧客唔算多，但過左一陣已經有8成滿，強烈建議打電話黎book 台或者早少少來walkin.店内以卡位居多，坐得幾舒服，私隱度高，而且每個爐上面都有抽氣，油煙好快吸走。枱面上有壽司醬油，燒汁， 鹽同埋七味粉佢調味用。點餐用iPad, 非常high tech一落單等一陣就黎到，有效率之餘夠晒環保。大樹先生感謝你海膽刺身船4位以上送既海膽刺身船，非常誇張，賣相又靚，影相厄like 一流。有2客非常肥美既海膽。 海膽好鮮好滑，好肥美一d 都唔腥，如果配有紫菜卷住食更加好除左海膽之外，其他刺身都可以無限encore, 畢竟海膽來價貴，任食放題食到海膽，而且好味，已經係好大驚喜！其他刺身有玉子，榮海螺，三文魚，甜蝦，蟹棒， 帶子等。 全部都好新鮮，而且大大件，永無漏單。好鐘意佢地個三文魚，有幾次都比腩位我地，肥美到不得了！超正！ 係燒緊其他食物既同時，我地全部人都會食刺身/熟食，把口可以話係無停過食肉獸出場肉食有牛，雞，豬，海鮮揀。 因為我唔食牛，我主打豬，雞同海鮮比利時亞橡果一口豬味道甜甜地，肉質淋，易入
可能我地好早來到，店内顧客唔算多，但過左一陣已經有8成滿，強烈建議打電話黎book 台或者早少少來walkin.
店内以卡位居多，坐得幾舒服，私隱度高，而且每個爐上面都有抽氣，油煙好快吸走。
枱面上有壽司醬油，燒汁， 鹽同埋七味粉佢調味用。
點餐用iPad, 非常high tech一落單等一陣就黎到，有效率之餘夠晒環保。大樹先生感謝你
海膽刺身船
4位以上送既海膽刺身船，非常誇張，賣相又靚，影相厄like 一流。有2客非常肥美既海膽。 海膽好鮮好滑，好肥美一d 都唔腥，如果配有紫菜卷住食更加好除左海膽之外，其他刺身都可以無限encore, 畢竟海膽來價貴，任食放題食到海膽，而且好味，已經係好大驚喜！
其他刺身有玉子，榮海螺，三文魚，甜蝦，蟹棒， 帶子等。 全部都好新鮮，而且大大件，永無漏單。好鐘意佢地個三文魚，有幾次都比腩位我地，肥美到不得了！超正！ 係燒緊其他食物既同時，我地全部人都會食刺身/熟食，把口可以話係無停過
食肉獸出場
肉食有牛，雞，豬，海鮮揀。 因為我唔食牛，我主打豬，雞同海鮮
比利時亞橡果一口豬
味道甜甜地，肉質淋，易入口
比利時五花腩肉
其實燒完唔會太肥，而且非常香口，對唔食牛既我黎講係一大喜訊。 強勢推介。
薄切裡肌件
無五花腩肉甘肥，瘦肉居多
辛口海鮮醬豬頸肉
豬頸肉真係唔會有得輸。燒完非常爽脆，雖然係辛口海鮮醬，但唔會太辣，無需擔心
雞翼
細心地斬開一半，容易燒之餘亦都容易食。
我覺得個爐一定要夠大火，燒出黎先至會外脆乾身，但又鎖住肉汁。 坊間好多放題既爐唔夠熱，燒到油林林，再好既食材都浪費晒！伊賀呢度個爐夠晒大火，甘先可以燒出靚肉！
玉子饅魚燒
來到時我地都唔知係乜東東燒燒下先知原來係玉子饅魚燒
估唔到可以燒到d 玉子甘滑，加埋鰻魚真係好夾！三爬兩撥就食埋再encore, 我諗我地每人食左起碼3個
虎蝦
貴野。 上網見到人排到成個爐燒真係好想試，但知道必定食唔晒所以放棄左. 虎蝦肉質爽口，應該係新鮮先唔會d 肉梅晒。估唔到可以任燒，就算我地無排滿個爐，我地都燒左10 幾隻。 要知道燒緊既時候已經好香，燒完加少少燒汁，超正！
其實選擇真係好多，仲有青口，鯖魚，香腸等，金菇，粟米等等。平時麻麻地青口，因為怕腥，但呢度無，而且無沙。
熟食
我地order 左好多熟食！
炸鮮奶
超好食！外面方包包住入面既甜鮮奶。 外面炸到好脆好香口，鮮奶入面暖暖地。味道唔會太甜，係朋友既至愛，encore 左幾次！
多春魚
無諗過會甘juicy, 雖然炸但一d 都唔乾身！
天婦羅蝦
大大隻，外面香口入面爽脆！
iPad 有個section 可以order 醬料， on request, 你要乜就order 乜，唔使浪費！
有得order 檸檬角， 燒汁， 蒜蓉，天婦羅汁等等。
最後仲有雪糕，但我真係飽到頂唔順自己放棄扯白旗。 平日黎唔使300 蚊，真係抵到爛！
Post
