JK Brother’s (Closed)

好耐無同屋企人出街食飯，今次就黎呢間JK Brother's 食海鮮火鍋放題。餐廳最大賣點係任食大頭蝦，仲有蟶子同幾款蜆，全部响出面魚缸即撈即淥黎食。大頭蝦非常新鮮隻隻爆膏，蝦肉爽口彈牙，大啖肉大啖膏超級滿足！🤗至於其他火鍋料我地好少食，都係啲基本款式選擇吾多。佢仲有刺身同其他小食供應，刺身質素一般吾使食太多，而醬油蝦同醬油鮑魚亦係我地主攻嘅回本菜，醬油鮑魚爽口，醬油蝦都好鮮甜一啲都吾腥，我地不斷食不斷叫，已經數吾到食左幾多碟了！🤣兩小時其實都好夠時間食兼且回本無難度，只係餐廳安排我地坐最入角度張枱，出出入入好吾方便，後尾懶得騰出去咁辛苦，提早收工😅，否則我會食得更多！😎整體來說，呢間值得推介，係張枱細左d，食起上黎有啲亂，但要食好西就吾會計較呢啲小問題架啦，餐廳而家仲做緊某信用卡優惠，仲吾快啲去試下！😁