南丫海景民豐海鮮酒家

Open Now

Now Closed

今天有大有細行山後食海鮮餐, 原本想去天X,點知撳錯電話去民豐, 又訂咗鹽焗雞, 唯有照去, 初時見啲comments好差都驚驚地。叫咗酒樓推介嘅蒜蓉蒸扇貝, 糯米飯肉蟹煲, 梅子蒸膏蟹, 清酒牛油炒蜆, 椒鹽斑馬瀨尿蝦, 古法鹽焗雞, 椒鹽金磚豆腐, 另外再叫咗椒鹽鮮魷, 豉椒蟶子皇, 粟米魚塊。清酒牛油炒蜆味道有特色,好食, 梅子蒸膏蟹少少辣酸酸地好開胃, 糯米飯肉蟹嘅糯米飯煲好入味,古法鹽焗雞好大隻又滑, 雞內臟應該用酒醃過有酒香。扇貝, 蟶子, 鮮魷同粟米魚塊就冇乜特別。價錢係唔平, 不過食海鮮預咗, 食物質素緊要啲, 服務態度冇問題, 有機會會再去。