廚十三老壇酸菜魚 (渣甸街) (Closed)

銅鑼灣呢間廚十三仲有其他分店，品質絕對有保證！我地先食啲開胃前菜，就係刀拍前男友$58同埋泡椒鳳爪$68😋刀拍前男友其實就係手拍青瓜，麻辣既拍青瓜好開胃，大量花椒辣椒辣油令青瓜好入味，但仍食得出青瓜好爽脆好新鮮🥒泡椒鳳爪用佐好多花椒去浸啲雞腳，再加埋啲用花椒爆香既油，雞腳好香好好食！食完前菜就到主角老壇酸菜魚🍲辣度方面可以就番自己去選擇，我地今次簡正常辣，果然好香好麻好辣，而酸菜係另一大重點，呢度既酸菜天然發酵，夠晒健康，成個湯底既酸味，辣味都好適中，咸味都好夠，魚片就好鮮好滑，仲可以再自行加配菜，午餐肉，蓮藕呢啲都有，食到好飽好滿足呀！🤤