Video
Read full review
2022-05-23
1459 views
難得疫情緩和,可以除口罩做運動,同致愛係大圍醫完肚踩下單車舒展下筋骨！🚴🚴揀咗呢間韓式餐廳,由港鐵大圍站A出口行過去,五分鐘左右,交通方便。門口大大個「小火焰」好易揾！餐廳好貼心,除咗清潔衛生做足外,每張檯仲放有消毒噴霧,令客人食得安心又放心！二本餐牌厚厚,有多款以芝士為主嘅菜式、泡菜拌飯、石碢飯、泡菜餃子、韓式炸雞、烏冬、小食、甜品……跟餐免費奉送咖啡或茶(轉凍飲加$3),或以優惠價轉其他飲品。任何午餐或下午茶餐,都可以優惠價追加小食！餐飲🍵☕午餐免費叫咗杯潤喉熱蜂蜜紅枣茶,另外以$10優惠價轉飲熱紫薯拿鐵,仲送多塊朱古力曲奇添！紫薯同latte好夾,口感順滑香甜,粉紫迷人,非常治癒！推介小食🥟🍘以$10一款優惠價,追加咗三款小食。卡邦尼小杯年糕,醬汁甜甜哋但吾漏,年糕煙韌有口感。韓式小魚餅吾會腥。泡菜餃子煎到两面金黃色,泡菜做嘅餡料辣辣哋又爽口,醒胃！溫泉蛋野菜牛肉蕃茄湯烏冬🍳🍜鮮蕃茄昆布粟米粒湯底真材實料,烏冬粗身彈牙滑劣劣！溫泉蛋嫩滑,劃開蛋黃慢慢流出。牛肉吾會好肥,用上甜醬汁炒菜,好味！海鮮炒淮山麵🍤🍝大蝦、青口、鮮魷魚、翠肉瓜、紅椒加上蔥花等炒嘅淮山麵,濕濕哋,但麵質保持爽
揀咗呢間韓式餐廳,由港鐵大圍站A出口行過去,五分鐘左右,交通方便。門口大大個「小火焰」好易揾！
餐廳好貼心,除咗清潔衛生做足外,每張檯仲放有消毒噴霧,令客人食得安心又放心！
二本餐牌厚厚,有多款以芝士為主嘅菜式、泡菜拌飯、石碢飯、泡菜餃子、韓式炸雞、烏冬、小食、甜品……
跟餐免費奉送咖啡或茶(轉凍飲加$3),或以優惠價轉其他飲品。任何午餐或下午茶餐,都可以優惠價追加小食！
餐飲🍵☕午餐免費叫咗杯潤喉熱蜂蜜紅枣茶,另外以$10優惠價轉飲熱紫薯拿鐵,仲送多塊朱古力曲奇添！
紫薯同latte好夾,口感順滑香甜,粉紫迷人,非常治癒！推介
小食🥟🍘以$10一款優惠價,追加咗三款小食。卡邦尼小杯年糕,醬汁甜甜哋但吾漏,年糕煙韌有口感。韓式小魚餅吾會腥。泡菜餃子煎到两面金黃色,泡菜做嘅餡料辣辣哋又爽口,醒胃！
溫泉蛋野菜牛肉蕃茄湯烏冬🍳🍜
鮮蕃茄昆布粟米粒湯底真材實料,烏冬粗身彈牙滑劣劣！
溫泉蛋嫩滑,劃開蛋黃慢慢流出。牛肉吾會好肥,用上甜醬汁炒菜,好味！
海鮮炒淮山麵🍤🍝大蝦、青口、鮮魷魚、翠肉瓜、紅椒加上蔥花等炒嘅淮山麵,濕濕哋,但麵質保持爽口冇鹼水味,份量認真大碟！
3.6牛乳凍奶🍹🍮雖然食到好飽,但都忍吾住食埋杯白白滑滑較香又重奶味嘅3.6牛乳凍奶。唯有努力踩多半粒鐘單車啦！
值得一讚,我哋落錯單,本來想嗌熱蜂蜜紅枣茶,但叫咗杯凍蜂蜜紅枣茶,正當我哋懷疑之際,服務員馬上轉上熱嘅蜂蜜紅枣茶🙏👍。
Post
