泰國人海南雞 (Closed)

本身係想食“綠野仙蹤“，點知唔聲唔聲原來已經執咗，變咗“泰國人海南雞飯“。附近得佢一間唔洗排隊，唯有無奈照入。叫咗個黃咖哩牛腩飯；碟飯梨到：三大舊薯仔，全部都係凍嘅，啲咖哩汁得小小椰味，啲牛腩散修修，腍pat pat，一夾仲出哂水，根本夾唔起，好似煲完湯嗰啲湯渣咁，搞到啲汁變到一灘灘咁（唔識形容，各位可以睇吓張相，超嘔心！）明明超肚餓，但個飯都係勉強食到1/3。絕對係咁大個人食過最難食嘅咖哩牛腩飯！