Video
Read full review
2019-02-19
58 views
講起放題，我之前只會諗到二三百蚊任食，食物種類黎黎去去都係嗰幾款，務求在有限嗰2個多鐘内盡量食飽回本。今次呢間鮮道樂放題真係顛覆咗我對放題嘅定義，首先價錢真係幾貴，幾乎600蚊一個人😱如果唔係朋友請，我真係唔捨得去食，另外時間有成5.5小時，唔洗趕住狂食/怕被人追last order究竟成600幾蚊嘅放題可以有咩特別？首先頭盤已經豪華，先黎個甲羅燒，以前配青瓜、餅乾、多士都試過，米餅真係冇試過。之前配青瓜就感覺係中和鹹味，但米餅就提升咗香味。牛小排and五花腩我地四個share，因為想每樣都試試。牛小排脂肪分佈均勻，誘人嘅雪花紋令我未食先興奮，在滾燙嘅岩石上燒10秒左右就上碟，入口即溶。五花腩都充滿油香，如果再厚切就更正了，我比較鍾意五花腩用厚切。因為肉冇醃過，所以可以品嚐到本身嘅肉香，抵讚。籠仔蒸海鮮，我地今次有好大隻嘅花甲。全清蒸，啖啖鮮味。竟然仲有半隻龍蝦+兩件肥拖羅。頭盤竟然有咁貴嘅食材，睇黎真係一分錢一分貨。喜之次係4個人就送嘅，鹹味好均勻，魚肉都唔會鬆散，我記得之前我燒過一條喜之次，燒到散曬，幾乎浪費咗😂最後嘅釜飯其實好遲先送上，嗰陣我地都飽到七七八八，所以只食咗少少，品嚐
究竟成600幾蚊嘅放題可以有咩特別？首先頭盤已經豪華，先黎個甲羅燒，以前配青瓜、餅乾、多士都試過，米餅真係冇試過。之前配青瓜就感覺係中和鹹味，但米餅就提升咗香味。
牛小排and五花腩我地四個share，因為想每樣都試試。牛小排脂肪分佈均勻，誘人嘅雪花紋令我未食先興奮，在滾燙嘅岩石上燒10秒左右就上碟，入口即溶。五花腩都充滿油香，如果再厚切就更正了，我比較鍾意五花腩用厚切。因為肉冇醃過，所以可以品嚐到本身嘅肉香，抵讚。
籠仔蒸海鮮，我地今次有好大隻嘅花甲。全清蒸，啖啖鮮味。
竟然仲有半隻龍蝦+兩件肥拖羅。頭盤竟然有咁貴嘅食材，睇黎真係一分錢一分貨。
喜之次係4個人就送嘅，鹹味好均勻，魚肉都唔會鬆散，我記得之前我燒過一條喜之次，燒到散曬，幾乎浪費咗😂
最後嘅釜飯其實好遲先送上，嗰陣我地都飽到七七八八，所以只食咗少少，品嚐得唔仔細。
本身諗住貴係貴在頭盤，點知任點嘅食物都唔馬虎
放題必點嘅刺身上台了，呢度有超大嘅赤蝦啊，唔係間間放題店都有架，味道雖然不及甜蝦鮮甜，但滿口彈牙蝦肉嘅感覺會好滿足
最誇張嘅係有法國生蠔+日本生蠔，仲要係任點，估唔到放題竟然食到生蠔。法國蠔重口味dd，但肉就實身少少+冇咁滑，殼係睇落去比較三件八角。日本蠔就啖dd，但勝在又大又滑，所以我地瘋狂追加
甜品本身以為有人像咖啡，仲興致勃勃咁揀相片，點知嗰日冇。。。有d可惜。。。最後揀咗雪糕球。一望落去以為係2人分量，其實係1人2球架，認真夠睇頭
Post
