Pizza Piazza

Open Now

Now Closed

見到餐廳裝修幾得意就入左去食。價錢雖然以西餐黎講唔平，但整體黎講係抵既!叫左個parma pizza，真-外國風味pizza。個皮係手猜皮，唔係好多茄汁，所以parma ham 同buffalo mozzarella既味會較出。肉算幾多，特別之處係既buffalo mozzarella,口感好特別，雖然賣相麻麻，但未食過一定要去試試，唔係好多餐廳會有。兩個人食一個pizza都太多，最好三個人就啱啱好。另外仲叫左杯意大利仁餅朱古力奶昔。賣相幾吸引，特別之處係餐廳提供鐵飲管，成杯飲品昇華嗮。奶昔味道唔會太油膩，飲落不時會有朱古力碎，有口感。最後追加左甜品tiramisu。最令我深刻既係餐廳自己自家製甜品，見到真係由蛋糕模拿出黎。tiramisu 一般食落會好驚太甜，但黎個就唔會。雖然層cream略嫌有d厚，但裡面層蛋糕食到咖啡味，適合平時唔飲咖啡既人。位同位之間空間以細店黎講都算大，設計簡單但有歐美feel,幾啱打卡。