惠 (Closed)

又係一個好忙碌嘅禮拜，經過咗好多個deadline，終於都去到星期五！難得星期五就梗係要出去食唔會帶飯啦哈哈❤️❤️所以今日就去咗呢間喺公司附近嘅餐廳試吓！呢一間位於灣仔嘅惠！係一間新開嘅omakase！食壽司去慰勞一下自己忙碌嘅一個星期真係好爽！叫咗一個set入面有20款唔同嘅刺身，魚生，壽司，仲有湯同埋甜品！絕對係一餐夠飽嘅omakase！超級大滿足！最最最令我深刻印象嘅係呢款拖羅！之前都已經好鍾意食拖羅，呢個拖羅真係食過返尋味！超級新鮮，而且油脂分泌超好！擺咗入口之後等個拖羅慢慢溶喺口腔入面！齒頰留香！真係非常新鮮口味！到而家依然極度回味嘅魚香味！