海膽仔

Open Now

Now Closed

同好朋友補祝朋友生日，一定要揀一間有質素，有信心嘅餐廳。所以第一時間就諗到呢間，位於新蒲崗嘅「海膽仔」。餐廳環境整潔舒服，食物方面主打各式時令飛機直送海膽、魚生、生蠔等等。更提供月替定食以供選擇。個人喜好首推生蠔，各款生蠔有買五送一優惠，認真抵食，而且選擇頗多。至愛《令和の怪物》（$68/隻），肉質爽口鮮甜美味爆燈。只需加適量檸檬汁，就可以品嚐到蠔的鮮甜原味。嚟到「海膽仔」冇理由唔食佢嘅招牌海膽。如果吾想咁獨孤一味，呢個《海膽三色丼》（$148）就啱曬啦，嘅有海膽，再配上三文魚子及香蔥拖羅蓉，一次過滿足晒三個原望。各式丼飯更均配送沙律及麵豉湯，性價比十分高。「倍化帶子吞海膽」（$98），呢個又係要推薦大家一試。紫菜再加厚厚帶子，然後再包住海膽，入口海膽即溶，夾雜著帶子嘅鮮，整個口腔充斥着濃濃的鮮甜味，久久不退，回味無窮。熱食方面亦有拉麵，朋友揀咗「汁燒雞扒拉麵」（$68），都很抵食。雞扒肉嫩、濃郁湯底，配上原隻流心蛋、紫菜、粟米、木耳絲及芝麻葱花，足料好味。